नवी दिल्ली- नवीन वर्ष २०२५ ची पहाट उजाडली असून वर्षाच्या पहिल्याच दिवशी एक दिलासादायक बातमी आली आहे. नव्या वर्षाच्या पहिल्याच दिवशी सर्वसामान्यांना मोठा दिलासा मिळाला आहे. १ जानेवारी रोजी व्यावसायिक गॅस सिलिंडरच्या किंमतीत कपात करण्यात आली आहे. एकप्रकारे नव्या वर्षाच्या पहिल्याच दिवशी सर्वसामान्यांना गिफ्ट मिळाले आहे. एक जानेवारीपासून तेल विपणन कंपन्यांनी व्यावसायिक सिलिंडरच्या दरात कपात करण्यात आली. मागली पाचव्या महिन्यापासून व्यवसायिक गॅस सिलिंडरच्या किंमतीत वाढ करण्यात आली होती. पण सरत्या वर्षाला निरोप दिल्यानंतर नव्या वर्षाच्या पहिल्याच दिवशी गॅस सिलिंडरच्या किंमतीत घट करण्यात आली आहे.
नववर्षानिमित्त देशवासीयांना मोठा दिलासा मिळाला आहे. एलपीजी व्यावसायिक सिलिंडरच्या किंमतीमध्ये 14.50 रुपयांची घट झाली आहे. 19 किलो एलपीजी सिलिंडरच्या किंमतीत १४.५० रूपये कपात करण्यात आली आहे. तर 14 किलोच्या घरगुती गॅस सिलिंडरच्या किमतीत कोणताही बदल झालेला नाही. मागील आठ महिन्यापासून घरगुती गॅस सिलिंडरच्या किंमतीचे दर स्थिर आहेत. सरकारी तेल कंपन्या दर महिन्याच्या पहिल्या दिवशी एलपीजी सिलिंडरच्या किमतींचा आढावा घेतात. ऑयल मार्केटिंग कंपन्यांनी आजपासून १९ किलो वजनाच्या व्यवसायिक गॅस सिलेंडरच्या किंमतीमध्ये कपात करण्यात आली. १ जानेवारी २०२५ रोजी तेल आणि गॅस मार्केटिंग कंपन्यांनी एलपीजी सिलेंडरच्या किंमतीत कपात केली असून दिल्ली ते मुंबई गॅस सिलिंडरचे दर १४ ते १६ रुपयांनी कमी झाले आहेत. मात्र, तेल कंपन्यांनी केवळ १९ किलोच्या व्यावसायिक सिलिंडरच्या किंमतीत कपात केली तर, घरगुती एलपीजी सिलिंडरच्या किंमती नवीन वर्षाच्या सुरुवातीलाही स्थिर आहेत, म्हणजेच त्यात कोणताही बदल झालेला नाही.
नवीन वर्षाच्या पहिल्या दिवसापासून दिल्लीत व्यावसायिक एलपीजी सिलिंडर रिफिल करण्यासाठी ग्राहकांना आता १,८०४ रुपये मोजावे लागतील तर, मुंबईत व्यवसायिक सिलिंडरची किंमत १,७५६ रुपयांपर्यंत खाली आली आहे, जी याआधी १,७७१ रुपये होती. व्यावसायिक सिलिंडरच्या किंमती कमी झाल्यामुळे सामान्यांना हॉटेल रेस्टॉरंटमधील जेवणाचे बिल खिशाला जड होणार नाही. तसेच ऑनलाईन ऑर्डर करूनही दिलासा मिळू शकतो. व्यावसायिक सिलिंडर फक्त हॉटेल आणि ढाबे वापरतात आणि त्यांना घरगुती वापरासाठी उपयुक्त १४ किलोचे सिलिंडर वापरण्याची परवानगी नाही. गेल्या अनेक महिन्यांपासून व्यावसायिक सिलेंडरचे दर वाढत होते, जे आता नवीन वर्षाच्या पहिल्या दिवशी कमी झाले आहेत. सरकारी तेल विपणन कंपन्या दर महिन्याच्या पहिल्या दिवशी एलपीजी सिलिंडरच्या किमती सुधारित करतात. याआधी गेल्या महिन्यात म्हणजे पहिल्या डिसेंबरला महागाईचा मोठा धक्का बसला आणि १९ किलोच्या गॅस सिलिंडरच्या दरात वाढ करण्यात आली. त्याचवेळी, बऱ्याच महिन्यांपासून कमर्शियल गॅस सिलिंडरच्या किंमतींत बदल होत आहेत पण घरगुती एलपीजी सिलिंडरच्या किंमतीत कोणताही बदल झालेला नसून १ ऑगस्टच्या किंमतीत उपलब्ध आहे.
