गुहागर : तालुक्यात सोमवारपासून सक्रिय झालेल्या पावसाने मंगळवारी रात्रीपासून तालुक्याला चांगलेच झोडपले. बुधवारी देखील दिवसभर धो-धो कोसळणाऱ्या पावसामुळे तालुक्यातील जनजीवन विस्कळीत झाले.
मंगळवारी रात्रीपासून तालुक्यात पावसाचा जोर चांगलाच वाढला. वादळी पावसाने येथील विद्युत पुरवठा देखील काही काळ खंडित झाला होता. रात्री धो धो कोसळणाऱ्या पावसाने बुधवारी सकाळपासून देखील आपला जोर कायम ठेवत येथील जनजीवन विस्कळीत करून टाकले. या पावसाने आरे लुंबिनी नगर मधील बौद्ध विहार शेडची संरक्षक भिंत कोसळली मात्र सुदैवाने कोणतीही जीवितहानी झालेली नाही. गुहागर येथील दिलीप भिकाजी सावंत यांच्या घराच्या पडवीचे अंशतः नुकसान झाले असून कोणतीही जीवितहानी झालेली नाही.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
