चिपळूण- चिपळूण तालुक्यातील मौजे मार्गताम्हाणे खुर्द पैकी सुतारवाडी येथील रहिवासी श्री. प्रताप सुर्वे (सुर्वे सर) यांच्या मालकीच्या आंबा-काजू बागेतील विहिरीमध्ये एक वन्यप्राणी पडल्याची माहिती त्यांनी वन विभागाचे श्री. एस. एस. सावंत, वनपाल चिपळूण यांना दिली.
माहिती मिळताच वन विभागाच्या बचाव पथकातील श्री. एस. एस. सावंत, वनपाल चिपळूण, श्री. राहुल गुंठे, वनरक्षक रामपूर, श्री. कृष्णा इरमले, वनरक्षक कोळकेवाडी व RRT टीमचे सदस्य श्री. अथर्व घाग यांनी तात्काळ घटनास्थळी धाव घेतली. विहिरीत पडलेल्या वन्यप्राण्याची पाहणी केली असता, सदर प्राणी हा ससा नसून दुर्मिळ पिसोरी हरण असल्याचे निदर्शनास आले. वनविभागाच्या बचाव पथकाने सदर पिसोरी हरणाची सुरक्षित सुटका करण्यासाठी प्रयत्न सुरू केले.
यावेळी हरणाने विहिरीतील पाण्यात उडी मारून पोहण्यास सुरुवात केली. बचाव पथकाने अथक प्रयत्न करून जाळीच्या साहाय्याने त्यास सुरक्षितपणे पकडले व पिंजऱ्यात ठेवून त्याची वैद्यकीय व शारीरिक स्थिती तपासली. सदर पिसोरी हरीण सुस्थितीत असल्याची खात्री झाल्यानंतर वरिष्ठांच्या आदेशानुसार त्यास त्याच्या नैसर्गिक अधिवासात सुरक्षितपणे मुक्त करण्यात आले. सदर बचावकार्य मा. श्रीमती गिरिजा देसाई, विभागीय वन अधिकारी, रत्नागिरी (चिपळूण), मा. श्रीमती प्रियंका लगड, सहाय्यक वनसंरक्षक, रत्नागिरी (चिपळूण) व मा. श्री. एस. एस. खान, वनपरिक्षेत्र अधिकारी, चिपळूण यांच्या मार्गदर्शनाखाली यशस्वीरीत्या पार पडले.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
