*चिपळूण प्रतिनिधी-* डॉ. तानाजीराव चोरगे वरिष्ठ कला व वाणिज्य महाविघालय राष्ट्रीय सेवा योजना (NSS) विभागांतर्गत स्वातंत्र दिनाच्या पाश्वभूमीवर ‘हर घर तिरंगा’ अभियानांतर्गत डॉ.तानाजीराव चोरगे वरिष्ठ कला व वाणिज्य महाविद्यालय येथील राष्ट्रीय सेवा योजना (NSS) विभागाच्या वतीने भव्य तिरंगा रॅलीचे आयोजन करण्यात आले.
रॅलीला महाविद्यालयाच्या प्राचार्या सौ.अंजली ताई चोरगे मॅडम च्या हस्ते हिरवा झेंडा दाखवून सुरुवात करण्यात आली. यावेळी NSS कार्यक्रम अधिकारी, प्राध्यापक, कर्मचारी आणि मोठ्या संख्येने NSS स्वयंसेवक सहभागी झाले. स्वयंसेवकांनी हातात तिरंगा घेऊन देशभक्तीपर घोषणा देत परिसरात जनजागृती केली.
‘हर घर तिरंगा’, ‘भारत माता की जय’, ‘वंदे मातरम्’, ‘हर घर तिरंगा हर मन तिरंगा’, ‘तिरंग्याचा मान राखू भारताचा गौरव वाढवू’ अशा घोषणांनी परिसर दुमदुमून गेला. नागरिकांनी आपल्या घरावर तिरंगा फडकवून स्वातंत्र्यदिनाचा उत्सव अभिमानाने साजरा करावा, तसेच राष्ट्रध्वजाचा सन्मान राखावा, असा संदेश रॅलीद्वारे देण्यात आला.
रॅलीच्या माध्यमातून विद्यार्थ्यांमध्ये देशप्रेम, राष्ट्रभक्ती, राष्ट्रीय एकात्मता आणि सामाजिक बांधिलकीची भावना दृढ झाली. कार्यक्रमाच्या यशस्वितेसाठी NSS स्वयंसेवकांनी विशेष परिश्रम घेतले.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
🎤 जनशक्तीचा दबाव न्यूज..
➤ (RNI NO. MAHMAR/2014/59698)
➤ भारत सरकारमान्य रजिस्टर न्यूजपेपर
