*गुहागर-* गुहागर तालुक्यातील पाचेरीसडा येथील बंद घराच्या पडवीत पाच महिन्यांचा मादी बिबट्या मृतावस्थेत आढळला. वनविभागाने घटनास्थळी पाहणी करून मृतदेह ताब्यात घेतला आहे. दरम्यान उपासमारीमुळे या बिबट्याचा मृत्यू झाल्याचा प्राथमिक अंदाज व्यक्त करण्यात आला असून पुढील तपास सुरू आहे.
पाचेरीसडा मधलीवाडी येथील विठ्ठल देवजी डिंगणकर यांच्या बंद घराच्या पडवीत बिबट्याला श्रीम. गीता गणपत जोशी यांनी पाहिले व पोलीस पाटील यांना कळविले. पोलीस पाटील यांनी वनविभागाला सदर याची माहिती दिली. वनअधिकाऱ्यांनी घटनास्थळी जाऊन पाहणी केली असता बिबट मृत असल्याचे दिसून आले. बिबट्या मादी असून त्याचे वय अंदाजे ५ महिने आहे. दरम्यान, घराच्या पडवीत म्हणजेच मनुष्य वस्तीत बिबट्या मृतावस्थेत आढळल्याने परिसरात भीतीचे वातावरण निर्माण झाले आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
