संगमेश्वर/ वार्ताहर- संगमेश्वर तालुक्यातील नावडी येथील सौ. शितल दिनेश आंब्रे यांना नुकताच प्रतिष्ठित ‘डॉ. बाबासाहेब आंबेडकर संविधान अमृत महोत्सव गौरव पुरस्कार – २०२६’ देऊन सन्मानित करण्यात आले. एका दिमाखदार सोहळ्यात त्यांना हा बहुमान प्रदान करण्यात आला.कार्यक्रमाचे मान्यवरात श्री. अक्षय दादा आंबेडकर , मा.वकील निर्मला ताई सावंत / प्रभावळकर ( माजी महापौर व महिला राज्य आयोग समिती अध्यक्ष ) व सुप्रसिद्ध गायक व शाहीर नंदेशजी उमप , अभिनेत्री केरन रेड्डी रजा यांच्या हस्ते सौ. शितलताई आंब्रे यांना राज्यस्तरीय सन्मानचिन्ह, मानपत्र आणि पुरस्कार देऊन गौरविण्यात आले. यावेळी शितलताईंच्या सामाजिक कार्याचे आणि योगदानाचे उपस्थितांकडून कौतुक करण्यात आले.या सोहळ्याला ‘लेक लाडकी अभियान’च्या श्रीमती लता सारणकर आणि ‘आशादीप महिला आधार मंच’च्या अध्यक्षा सौ. आशाताई संतोष भोईर यांची विशेष उपस्थिती होती. या मान्यवरांच्या उपस्थितीत पार पडलेल्या या सोहळ्याला नागरिक मोठ्या संख्येने उपस्थित होते. सौ. शितल ताईंनी या पुरस्काराचे श्रेय आपले आई, वडील, शिक्षक, मार्गदर्शक व संत निरंकारी मिशनचे विद्यमान सद्गुरु माता सुदीक्षाजी महाराज यांना समर्पित केले आहे. तसेच देश ऋण, समाज ऋण व संसार ऋण या साठी अधिकाधिक समाजकार्य व पर्यावरण क्षेत्रात कार्यकरणावर भर दिला जाईल असे म्हटले आहे.हा पुरस्कार मिळाल्याबद्दल सौ. शितल आंब्रे यांच्यावर सर्व स्तरातून अभिनंदनाचा वर्षाव होत आहे.
नावडीच्या शितलताई अंब्रे, संयोजक सुरज भोईर व अन्य मान्यवर मंचावर उपस्थित होते. मान्यवर गायक नंदेश उमप, माजी महापौर निर्मलाताई सामंत ( प्रभावळकर ) संयोजक सुरज भोईर व अन्य नाभिक समाजातील थोर संत सेना महाराज यांचा आदर्श त्यांनी जीवनात बाळगला आहे.
शितलताई या बालविकास क्षेत्रात संगमेश्वर येथील रामपेठ नावडी येथे अंगणवाडीत गेली 26 वर्ष कार्यरत आहेत. आजवर बाल विकास प्रकल्प अधिकारी व सुपरवायझर व इतर अधिकाऱ्यांचे मार्गदर्शन लाभल्याचे त्या पत्रकारांशी बोलताना म्हणाल्या.
बाल विकास क्षेत्रात शितलताई संगमेश्वर मधील रामपेठ नावडी अंगणवाडीत गेली 26 वर्ष कार्यरत आहेत. तसेच जीवनात नाभिक समाजाचे थोर संत शिरोमणी सेना महाराज यांचा जीवन आदर्श त्यांनी बाळगला आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
🎤 जनशक्तीचा दबाव न्यूज..
➤ (RNI NO. MAHMAR/2014/59698)
➤ भारत सरकारमान्य रजिस्टर न्यूजपेपर
