संगमेश्वर वार्ताहर – पैसा फंड इंग्लिश स्कूल अँड ज्युनिअर कॉलेज ऑफ आर्ट्स कॉमर्स अँड सायन्स यामध्ये विज्ञान शाखेत कुमारी वेदा शैलेश चिचकर हिने ८०.१७ गुण मिळवून संगमेश्वर तालुक्यात प्रथम येण्याचा बहुमान पटकावला आहे.
तिच्या या यशामागे पैसा फंड इंग्लिश स्कूलचे सर्व प्राध्यापक वृंद, तिची स्वतःची मेहनत, जिद्द, प्रामाणिकपणा अभ्यासामधली एकाग्रता हे सर्व कारणीभूत ठरली आहे . वेदा ही पहिल्यापासूनच अतिशय अभ्यासू, एक मार्गी अशी विद्यार्थिनी आहे. तिने नुसता अभ्यासच वर्षभरात केला असे नाही तर शैक्षणिक वर्षात येणाऱ्या प्रत्येक वेगवेगळ्या उपक्रमांमध्ये तिने आपल्या सहभाग नोंदवला.
तिच्या या यशामागे तिचे आई-वडील नेहमी तिच्या पाठीशी खंबीरपणे उभे होते. तिने मिळवलेल्या या यशासाठी संगमेश्वर चे सामाजिक कार्यकर्ते श्री दिनेश अंब्रे यांनी तिला
” फुलोरा ” हे पुस्तक व गुलाब पुष्प देऊन तिचा सत्कार केला व तिला भावी वाटचालीस शुभेच्छा दिल्या. तसेच सामाजिक कार्यकर्त्या आणि पैसा फंड इंग्लिश स्कूलच्या शिक्षिका सौ. अर्चिता कोकाटे मॅडम यांनी वेदाला भेटवस्तू व गुलाब पुष्प देऊन तिचे कौतुक केले व पुढील वाटचालीस शुभेच्छा दिल्या.
श्री. दिनेश अंब्रे यांनी वेदाला स्पर्धात्मक परीक्षांना कसे सामोरे जायचे, शासकीय अधिकारी होण्यासाठी कोणत्या दिशेने वाटचाल करायची या विषयी मार्गदर्शन केले. वेदाच्या या यशासाठी पैसा फंड इंग्लिश स्कूलच संस्था अध्यक्ष श्री अनिल शेट्ये व सर्व पदाधिकारी यांनी तिचे अभिनंदन केले व पुढील वाटचालीस शुभेच्छा दिल्या.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
