संगलट (खेड)(प्रतिनिधी) – दापोली-मंडणगड मार्गावरील करजाणी येथे रविवार २८ जून सायंकाळच्या सुमारास सिलेंडरने भरलेल्या पिकअप वाहानाचा अपघात झाला. वाहानावरील चालकाचा ताबा सुटल्याने वाहन अनियंत्रित होऊन रस्त्यावर पलटी झाले. या अपघातात वाहनांनामध्ये भारलेले सर्व गॅस सिलिंडर रस्त्यावर विखुरले गेले. त्यामुळे काही काळ परीसरात भीतीचे वातावरण निर्माण झाले.
सिलेंडर रस्त्यावर पडल्याने वाहतकीलाही काहीकाळ अडथळा निर्माण झाला. मात्र सुदैवाने या अपघातात कोणतीही जीवित हानी झाली नाही. चालकासह अन्य कोणालाही दुखापत झाली नसल्याची माहिती मिळाली आहे. अपघाताची माहिती मिळताच स्थानिक नागरिकांनी घटनास्थळी धाव घेत मदत कार्य केले. रस्त्यावर विखुरलेले सिलेंडर बाजूला करून वाहतूक सुरळीत करण्यासाठी त्यांनी सहकार्य केले. या अपघातात मोठी दुर्घटना टळल्याने सुटकेचा निःश्वास सोडला.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
🎤 जनशक्तीचा दबाव न्यूज..
➤ (RNI NO. MAHMAR/2014/59698)
➤ भारत सरकारमान्य रजिस्टर न्यूजपेपर..
