‘वेलकम टू द जंगल’ चित्रपटाच्या दुसऱ्या दिवसाचा वर्ल्डवाइड बॉक्स ऑफिस कलेक्शन रिपोर्ट समोर आला आहे. जाणून घ्या सविस्तर..
मुंबई/ सिनेमा/ प्रतिनिधी- ‘वेलकम टू द जंगल’ (Welcome To The Jungle) चित्रपटाच्या दुसऱ्या दिवसाचा वर्ल्डवाइड बॉक्स ऑफिस कलेक्शन रिपोर्ट समोर आला आहे. अहमद खान यांच्या दिग्दर्शनाखाली बनलेला अक्षय कुमार स्टारर हा कॉमेडी-अॅक्शन ड्रामा बॉक्स ऑफिसवर धुमाकूळ घालत आहे. शुक्रवारी दमदार ओपनिंग केल्यानंतर या चित्रपटाने बॉक्स ऑफिसवर आपल्या दुसऱ्या दिवशीही (शनिवारी) चांगली कमाई केली आहे. जाणून घ्या
‘वेलकम टू द जंगल’ बॉक्स ऑफिस कलेक्शन…
‘सॅकनिल्क’च्या (Sacnilk) ताज्या आकडेवारीनुसार, ‘वेलकम टू द जंगल’ने रिलीजच्या दुसऱ्या दिवशी २० कोटी रुपयांची कमाई केली आहे, जी पहिल्या दिवसाच्या (१५.२५ कोटी) तुलनेत अधिक आहे. पेड प्रिव्ह्यूच्या ३.७५ कोटी रुपयांसह या चित्रपटाचे एकूण इंडिया नेट कलेक्शन (India Net Collection) आता ३९ कोटी रुपये झाले आहे, तर एकूण इंडिया ग्रॉस कलेक्शन (India Gross Collection) ४६.८० कोटी रुपयांवर पोहोचले आहे. ‘वेलकम टू द जंगल’ने या वर्षातील बॉलिवूडची तिसरी सर्वात मोठी ओपनिंग मिळवली आहे. पहिल्या दोन चित्रपटांमध्ये ‘बॉर्डर २’ (४३.५० कोटी) आणि ‘धुरंधर: द रिव्हेंज’ (२३८.६० कोटी) हे चित्रपट आहेत.
तगडी स्टारकास्ट-
अहमद खान यांच्या दिग्दर्शनात बनलेल्या ‘वेलकम टू द जंगल’मध्ये गेल्या काही वर्षांतील बॉलिवूड कॉमेडी चित्रपटांमधील सर्वात मोठी स्टारकास्ट पाहायला मिळत आहे. या चित्रपटात अक्षय कुमारसोबतच फरीदा जलाल, जॉनी लिव्हर, श्रेयस तळपदे, राजपाल यादव, कृष्णा अभिषेक, किकू शारदा, दलेर मेहंदी, आफताब शिवदासानी, मुकेश तिवारी, यशपाल शर्मा, किरण कुमार, झाकीर हुसेन, विंदू दारा सिंग, उर्वशी रौतेला, हेमंत पांडे, ब्रिजेंद्र काला, फिरोज खान, पुनीत इस्सर, सुदेश बेरी, जीतू वर्मा, वृही कोडवारा, आदित्य सिंग आणि भाग्य भानुशाली यांसारख्या अनेक कलाकारांनी महत्त्वपूर्ण भूमिका साकारल्या आहेत.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
🎤 जनशक्तीचा दबाव न्यूज..
➤ (RNI NO. MAHMAR/2014/59698)
➤ भारत सरकारमान्य रजिस्टर न्यूजपेपर
