आमदार शेखर निकम यांच्या प्रमुख उपस्थितीत बस लोकार्पण सोहळा उत्साहात संपन्न
*चिपळूण, दि. २४ ऑगस्ट* : चिपळूण- संगमेश्वर मतदारसंघातील प्रवाशांची वाढती गरज लक्षात घेऊन चिपळूण एसटी आगाराला पाच नव्या बस उपलब्ध करून देण्यात आल्या. आमदार शेखर निकम व आमदार भास्कर जाधव यांच्या सातत्यपूर्ण पाठपुराव्यामुळे या बससेवेचा लोकार्पण सोहळा चिपळूण एसटी आगारात उत्साहात पार पडला.
नव्या बसमुळे ग्रामीण भागातील नागरिक, विद्यार्थी, महिला, ज्येष्ठ नागरिक आणि नोकरदार वर्गाला मोठा दिलासा मिळणार असून, ग्रामीण भागातील दळणवळण अधिक सक्षम होणार आहे.
मतदारसंघातील प्रवाशांच्या अडचणी सोडविण्यासाठी आमदार शेखर निकम यांनी सातत्याने पाठपुरावा केला. तसेच परिवहन मंत्री प्रताप सरनाईक आणि रत्नागिरी जिल्ह्याचे पालकमंत्री ना. उदय सामंत यांनी सकारात्मक भूमिका घेत नव्या बस उपलब्ध करून दिल्याबद्दल आमदार शेखर निकम यांनी समाधान व्यक्त केले.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
