![](https://janshaktichadabav.com/wp-content/uploads/2023/10/Screenshot_2023_1019_092628.jpg)
ठाणे महानगरपालिकेकडून ठाणे स्थानकात मुंबई दिशेकडे. कल्याण दिशेकडे तसेच मुंब्रा येथे एक पादचारी पूल उभारण्यात येणार होते. त्यासाठी महापालिकेकडून २७ कोटींच्या निधी देण्याची तरतूद आहे. या निधीतील बारा कोटी निधी महापालिकेकडून प्राप्त झाला आहे. त्यामुळे या नव्या पादचारी पूलांच्या बांधकामास वेग आला आहे. त्यापैकी ८ कोटी रुपये रेल्वेला देण्यात आले होते. या निधीतून पुलाच्या खांबांची उभारणी करण्यात आली. त्यानंतर निधी अभावी हे काम दोन वर्षे रखडले. यानंतर ठाणे महापालिकेने चार कोटीचा निधी दिला. त्यातून पुलावर तुळई बसविण्यात आली. उर्वरित १५ कोटी ६२ लाख ५१ हजार ७१८ रूपयांचा निधी लवकर देण्याची मागणी रेल्वे प्रशासनाने पालिकेकडे काही महिन्यांपुर्वी केली होती. पालिकेनेही तात्काळ निधी देण्याची तयारी दाखविली होती. यामुळे पुलाच्या कामांना गेल्या काही दिवसांपासून वेग आला आहे.
ठाणे स्थानकातील मुंबई आणि कल्याण दिशेकडील पादचारी पुलाच्या उभारणीची कामे वेगाने सुरू असून ही कामे लवकरात लवकर पुर्ण करण्याचा रेल्वेचा मानस आहे.
पी.डी. पाटील- जनसंपर्क अधिकारी, मध्य रेल्वे
जाहिरात
![](https://janshaktichadabav.com/wp-content/uploads/2023/10/IMG-20231019-WA0004.jpg)
![](https://janshaktichadabav.com/wp-content/uploads/2023/10/Screenshot_2023_1018_191523.jpg)