चिपळूण-संगमेश्वरच्या आरोग्य व्यवस्थेला मिळणार नवी दिशा; ‘एकात्मिक आरोग्यवर्धिनी समिती’च्या बैठकीत महत्त्वाचे निर्णय,आमदार शेखर गोविंदराव निकम यांच्या अध्यक्षतेखाली बैठक संपन्न..

July 5, 2026

Spread the love

सावर्डे- चिपळूण-संगमेश्वर विधानसभा मतदारसंघातील आरोग्य सेवा अधिक सक्षम, गतिमान आणि लोकाभिमुख करण्याच्या उद्देशाने स्थापन करण्यात आलेल्या “एकात्मिक आरोग्यवर्धिनी समिती’ची पहिली बैठक सावर्डे येथील संपर्क कार्यालय येथे आमदार शेखर गोविंदराव निकम यांच्या अध्यक्षतेखाली संपन्न झाली.

बैठकीत ग्रामीण भागातील आरोग्य सुविधा बळकट करणे, प्राथमिक आरोग्य केंद्रांतील रिक्त पदे भरणे, सर्पदंश-श्वानदंशावरील लसींचा पुरेसा साठा उपलब्ध ठेवणे, देवरुख ग्रामिण रुग्णालय, संगमेश्वर ट्रॉमा केअर सेंटरमधील बंद सेवा तातडीने सुरू करणे तसेच सर्व प्राथमिक आरोग्य केंद्रांवर सौर ऊर्जा प्रकल्प उभारणे यांसह अनेक महत्त्वाचे निर्णय घेण्यात आले. यावेळी समितीने उपजिल्हा रुग्णालय कामथे येथे मंजूर झालेल्या ५० खाटांच्या रुग्णालयाबाबत आमदार शेखर निकम यांचा अभिनंदन ठरावही एकमताने मंजूर केला. बैठकीत आमदार निकम यांनी ग्रामीण भागातील प्रत्येक नागरिकापर्यंत दर्जेदार, सुलभ आणि सर्वसमावेशक आरोग्य सेवा वेळेत पोहोचविण्यावर भर देत सर्व विभागांनी समन्वयाने काम करण्याचे निर्देश दिले. तसेच आयुष्मान आरोग्य मंदिरे, प्राथमिक आरोग्य केंद्रे, ‘आपला दवाखाना’ आणि ग्रामीण रुग्णालयांचे सक्षमीकरण, स्वच्छता, लसीकरण, माता-बाल आरोग्य व पोषणाबाबत जनजागृती आणि समितीच्या त्रैमासिक बैठका नियमित घेण्याच्या सूचनाही त्यांनी केल्या.

बैठकीदरम्यान समिती विस्तार, आरोग्य सेवेतील समन्वय, स्थानिक स्तरावर उपचारांना प्राधान्य, १०८ रुग्णवाहिका सेवेचा प्रभावी वापर आणि देवरुख ट्रॉमा केअर सेंटरच्या सुविधा कार्यान्वित करण्याबाबत तसेच मतदार संघातील प्राथमिक आरोग्य केंद्राच्या सोयी सुविधाबाबत सविस्तर चर्चा झाली. तसेच रिक्त वैद्यकीय पदे भरणे, सावर्डे प्राथमिक आरोग्य केंद्रात पोस्टमार्टम रूम व पार्किंग उभारणे, सौर ऊर्जा प्रकल्प राबविणे आणि उपकेंद्रांवरील रिक्त समुदाय आरोग्य अधिकारी (CHO) पदे भरणे यांसह पाच महत्त्वाचे ठराव सर्वानुमते मंजूर करण्यात आले. बैठकीला खालील लोकप्रतिनिधी, वरिष्ठ अधिकारी आणि आरोग्य विभागाचे प्रतिनिधी प्रत्यक्ष उपस्थित होते. डॉ. जगताप बी. व्ही. (सिव्हिल सर्जन रत्नागिरी प्रतिनिधी)डॉ. म. म. आठल्ये (डी.एच.ओ. स्तर प्रतिनिधी)

मा. श्री. प्रवीण लोकरे (तहसीलदार चिपळूण तथा समिती सदस्य)मा. श्री. सूर्यकांत खेतले (सभापती पं. स. चिपळूण तथा समिती सदस्य)मा. श्रीम. शर्वरी वेल्ये (सभापती पं. स. संगमेश्वर तथा समिती सदस्य)मा. श्री. उमेश सकपाळ (नगराध्यक्ष चिपळूण तथा समिती सदस्य)मा. श्रीम. रावी स. मोरे (जि. प. सदस्य तथा समिती सदस्य)मा. श्रीम. नेहा सु. रहाटे (जि. प. सदस्य तथा समिती सदस्य)मा. श्रीम. पुजा शे. निकम (जि. प. सदस्य तथा समिती सदस्य)मा. श्री. संजय रा. कदम (जि. प. सदस्य तथा समिती सदस्य)मा. श्री. सुशील व. भायजे (जि. प. सदस्य तथा समिती सदस्य) मा. श्री. संतोष थेराडे (जि. प. सदस्य तथा समिती सदस्य)मा. श्री. प्रमोद अधटराव (जि. प. सदस्य तथा समिती सदस्य)मा. श्री. विशाखा वि. कुवळेकर (जि. प. सदस्य तथा समिती सदस्या, मा. श्रीम. उमा शि. घारगे-पाटील (गटविकास अधिकारी चिपळूण तथा समिती सदस्य)मा. श्री. आनंद लोकरे (गटविकास अधिकारी संगमेश्वर तथा समिती सदस्य)

मा. श्री. दादासो ईरनाक (गटशिक्षणाधिकारी चिपळूण तथा समिती सदस्य)मा. श्री. विजय अ. परिट (गटशिक्षणाधिकारी संगमेश्वर तथा समिती सदस्य)मा. श्री. सचिन पु. पाटणकर (उपअभियंता चिपळूण तथा समिती सदस्य) मा. श्री. वैभव जाधव (उपअभियंता संगमेश्वर तथा समिती सदस्य)मा. श्रीम. सुनिता नाईकुडे (बाल विकास प्रकल्प अधिकारी तथा समिती सदस्य) मा. श्री. प्रथमेश इंगवले (बाल विकास प्रकल्प अधिकारी तथा समिती सदस्य)मा. श्री. ज्ञानेश्वर शा. मेश्राम (उपअभियंता चिपळूण तथा समिती सदस्य)मा. श्री. प्रमोद पु. मोटे (उपअभियंता संगमेश्वर तथा समिती सदस्य)मा. श्रीम. श्वेता तारये (जिल्हा आरोग्य प्रतिनिधी तथा समिती सदस्य)मा. डॉ. विजय कांबळे (वैद्यकीय अधीक्षक कामथे तथा समिती सदस्य)मा. श्री. संदीप माने (वैद्यकीय अधीक्षक तथा समिती सदस्य) मा. श्री. डॉ. अभिजित अ. मोरे (वैद्यकीय अधीक्षक तथा समिती सदस्य)श्री बाबासाहेब नानासाहेब सानप (बी.ई.ओ. प्रतिनिधी संगमेश्वर तथा समिती सदस्य)डॉ. दिगंबर संदीप जाधव (वैद्यकीय अधिकारी) डॉ. गोविंद मोरे (टी.एच.ओ. संगमेश्वर)डॉ. ज्योती यादव (टी.एच.ओ. चिपळूण तथा समिती सदस्य सचिव) आदी उपस्थितीत होते.