गणेशभक्तांचं श्रद्धास्थान असलेल्या लाडक्या लालबागच्या राजाचं अखेर जवळपास 24 तासांनी विसर्जन झालं.
मुंबई – जगभरातील गणेशभक्तांचं श्रद्धास्थान असलेल्या लाडक्या लालबागच्या राजाचं अखेर जवळपास 24 तासांनी विसर्जन झालं. शुक्रवारी सकाळी लालबागच्या राजाची दिमाखदार विसर्जन मिरवणूक निघाली. त्यानंतर हळूहळू ती पुढे सरकत अखेर शनिवारी सकाळी आठच्या दरम्यान राजा गिरगाव चौपाटीवर दाखल झाला. त्यानंतर तराफा खोल समुद्रात नेत लाडक्या राजला गणेशभक्तांनी पाणावलेल्या डोळ्यांनी अखेरचा निरोप दिला.
लाडक्या गणरायाला निरोप –
मुंबईचा गणेशोत्सव जगभरात प्रसिद्ध आहे. यंदाही हा गणेशोत्सव पाहण्यासाठी देशभरासह इतर देशातील भाविक मुंबईत दाखल झाले होते. नवसाला पावणारा राजा अशी ओळख असलेल्या लालबागच्या राजाच्या दर्शनाला भाविकांनी मोठी गर्दी केली होती. तासंतास वाट पाहून भाविकांनी लाडक्या राजाचं दर्शन घेत त्याचं मनमोहक रुप डोळ्यात सामावून घेतलं. यंदा 12 दिवस राजाची सेवा करण्याची संधी गणेशभक्तांना मिळाली. त्यानंतर पाणावलेल्या डोळ्यांनी भाविकांनी लालबागच्या राजाला अखेरचा निरोप दिला.
भक्तांचे डोळे पाणावले –
मुंबईतील प्रमुख गणेश मंडळांच्या गणपतींचे विसर्जन मोठ्या उत्साहात पार पडले. शुक्रवारी सकाळपासूनच विविध मंडळांच्या विसर्जन मिरवणुका मार्गस्थ झाल्या होत्या. बाप्पाचे शेवटचे दर्शन घेण्यासाठी भाविकांनी मोठी गर्दी केली होती. अनेक ठिकाणी भक्तांच्या डोळ्यात बाप्पाला निरोप देताना अश्रू तरळले, तर ढोल-ताशांच्या गजरात तरुणाईचा उत्साह पाहायला मिळाला.
लालबाग राजाचं विसर्जन –
मुंबईची शान मानल्या जाणाऱ्या आणि नवसाला पावणाऱ्या लालबागच्या राजाचे शनिवारी भावपूर्ण वातावरणात विसर्जन करण्यात आले. शुक्रवारी 12 वाजता राजाची मंडपातून मिरवणूक काढण्यात आली. लालबागच्या राजाच्या विसर्जन मिरवणुकीत मोठ्या संख्येने गणेशभक्त सहभागी झाले होते. बाप्पाच्या दर्शनासाठी आणि विसर्जन मिरवणूक पाहण्यासाठी रस्त्यांच्या दुतर्फा भाविकांची मोठी गर्दी झाली होती.
अनंत चतुर्दशीच्या दिवशी मुंबईसह राज्यभर लाडक्या गणरायाला भावपूर्ण निरोप देण्यात आला. गेल्या 12 दिवसांपासून लाडक्या गणरायाच्या जयघोषाने आणि भक्तिमय वातावरणाने गजबजलेले मुंबई शहर त्याच्या विसर्जन मिरवणुकांनी दुमदुमून गेले. ढोल-ताशांचा गजर, लेझीमचा ठेका आणि ‘गणपती बाप्पा मोरया, पुढच्या वर्षी लवकर या’च्या जयघोषात गणरायाला निरोप देण्यात आला.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
