रत्नागिरी : तालुक्यातील गणपतीपुळे फुणगूस मार्गे शास्त्रीपूल रस्त्याची दुरवस्था झाली आहे. हा मार्ग सध्या वाहतुकीसाठी धोकादायक बनला आहे. या मार्गावर अपघातांचे प्रमाणही वाढले असून, या धोकादायक रस्त्याची दुरुस्ती करण्याची मागणी करण्यात येत आहे.
अनेक दुचाकी व गाड्यांचे चिखलामुळे अपघात…
चिखलमय बनलेल्या या मार्गावरून प्रवास करताना दुचाकी घसरून पडत आहेत, तसेच रिक्षाही या चिखलात अडकून पडल्याचा प्रकार घडला होता. या मार्गाचे काम संथ गतीने सुरू असून, चिपळूणमार्गे गणपतीपुळेकडे आल्यावर शास्त्रीपूलमार्गे फुणगूस, जाकादेवी, चाफे, गणपतीपुळे हा जवळचा मार्ग आहे. या मार्गाचा पर्यटक मोठ्या प्रमाणात वापर करतात, परंतु या मार्गावर थोडे पुढे आल्यानंतर रस्त्याच्या दुरवस्थेमुळे पर्यटकांचे हाल होत आहेत.
येथील ठेकेदार व संबंधित अधिकारी यांचे दुर्लक्ष होत असल्याचा आरोप परिसरातील ग्रामस्थांनी केला आहे. सध्या या मार्गाने जाणे कठीण झाले असून, तातडीने रस्त्याची दुरुस्ती करण्याची मागणी होत आहे.
पावसाचा अंदाज असतानाही अनेक ठिकाणी रस्ता खोदल्याने रस्त्यावर चिखलाचे साम्राज्य…
सदर रस्त्या करताना कॉन्ट्रॅक्टर यांनी निष्काळजीपणा केल्याचे निदर्शनास आले आहे. वर्षभर संत गतीने काम केले पावसाचा अंदाज असतानाही मोठ्या प्रमाणात रस्त्याचे खोदकाम केलेले आहे. व त्यावरती खडी टाकून रस्ता चालू करण्यात आला होता. सदरचा रस्ता हा कॉन्ट्रॅक्टरच्या हलगर्जीपणांनी चिखलाचे साम्राज्य निर्माण झाले आहे असे नागरिकांचे म्हणणे आहे. सदर रस्त्यावर खडी टाकून रस्त्याची डाकडीची करण्याची मागणी नागरिकांकडून करण्यात येत आहे.
तक्रार करायची कोणाकडे लोकांमध्ये संभ्रम..
संगमेश्वर शास्त्री फुल मार्गे करजुवे रस्ता यापूर्वी सार्वजनिक बांधकाम विभाग विभाग देवरूख यांच्याकडे होता. सदर रस्ता काम करण्यासाठी नव्याने स्थापन करण्यात आलेल्या महामंडळाकडे वर्ग करण्यात आलेला आहे. सदर महामंडळाच्या ऑफिस मुंबईला असून सदरचे ऑफिस किंवा त्यांचे ऑफिसर्स यांचे तात्पुरते ऑफिस कुठे आहे याचा पत्ताच नाही. त्यामुळे तक्रार करायची झाली तर कोणाकडे करायची हा प्रश्न उपस्थित झालेला आहे. नागरिकांचे सदरच्या रस्त्याच्या कामामुळे हाल होत असून पालकमंत्र्यांनी सदर विषयांमध्ये जातीनिशी लक्ष घालावे असे लोकांची मागणी आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
🎤 जनशक्तीचा दबाव न्यूज..
➤ (RNI NO. MAHMAR/2014/59698)
➤ भारत सरकारमान्य रजिस्टर न्यूजपेपर
