संगमेश्वर | जनशक्तीचा दबाव
संगमेश्वर : गणेशोत्सवातील कलात्मकतेला प्रोत्साहन देतानाच पर्यावरणपूरक सजावट आणि सामाजिक संदेशांचा जागर करण्याच्या उद्देशाने युवासेना संगमेश्वर तालुक्याच्या वतीने आयोजित करण्यात आलेली भव्य ‘मखर सजावट स्पर्धा २०२६’ उत्साहपूर्ण वातावरणात संपन्न झाली. या स्पर्धेचा अंतिम निकाल ११ ऑक्टोबर रोजी जाहीर करण्यात आला. तालुक्यातील तब्बल ६० स्पर्धकांनी सहभाग नोंदविलेल्या या स्पर्धेत प्रज्वल शिगवण यांनी प्रथम क्रमांक पटकावत मानाचा किताब मिळवला.
कल्पकतेला कलात्मकतेची जोड!…
गणेशोत्सवाच्या पार्श्वभूमीवर आयोजित या स्पर्धेत सहभागी कलाकारांनी आपल्या कल्पकतेतून आकर्षक मखरांची निर्मिती केली. पर्यावरणपूरक संकल्पना, नावीन्यपूर्ण सजावट आणि सामाजिक आशय व्यक्त करणाऱ्या कलाकृतींमधून स्पर्धकांनी आपले कलागुण सादर केले. ६० स्पर्धकांच्या सहभागामुळे स्पर्धेत चुरस निर्माण झाली होती. काटेकोर परीक्षणानंतर विजेत्यांची घोषणा करण्यात आली.
स्पर्धेचा अंतिम निकाल….
– प्रथम क्रमांक : प्रज्वल शिगवण
– द्वितीय क्रमांक : मृणाल खापरे
– तृतीय क्रमांक : रोशन रमणे
– चतुर्थ क्रमांक : यश उजगावकर
– पाचवा क्रमांक : अभिषेक खातू
मान्यवरांच्या उपस्थितीत विजेत्यांचा गौरव…
स्पर्धेच्या बक्षीस वितरण व निकाल समारंभाला माजी आमदार **सुभाष बने**, महाराष्ट्र राज्य क्रिकेट असोसिएशनचे सदस्य व युवासेना महाराष्ट्र राज्य कार्यकारिणी सदस्य **अपूर्व सामंत** प्रमुख पाहुणे म्हणून उपस्थित होते. यावेळी राजेंद्र महाडिक, कृष्ण हरेकर आणि ऋतुजा कदम यांच्यासह अन्य मान्यवरांची उपस्थिती लाभली.
स्पर्धेचे निष्पक्ष व काटेकोर परीक्षण विलास रहाटे यांनी केले. मान्यवरांनी विजेत्यांचे अभिनंदन करतानाच स्पर्धेत सहभागी झालेल्या सर्व ६० कलाकारांच्या कलागुणांचे कौतुक केले आणि त्यांच्या पुढील कलात्मक वाटचालीस शुभेच्छा दिल्या.
युवासेनेच्या उपक्रमाचे कौतुक…
स्थानिक कलाकारांना व्यासपीठ उपलब्ध करून देणे, त्यांच्या सर्जनशीलतेला प्रोत्साहन देणे आणि गणेशोत्सवाच्या माध्यमातून सामाजिक व पर्यावरणपूरक विचारांचा प्रसार करणे, या दृष्टीने युवासेनेचा हा उपक्रम महत्त्वपूर्ण ठरला. स्पर्धेतील उत्स्फूर्त सहभागामुळे संगमेश्वर तालुक्यातील कलात्मकतेची आणि सामाजिक भान जपणाऱ्या उपक्रमांची प्रचिती आली. युवासेनेच्या या आयोजनाचे तालुक्यातून कौतुक होत आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
