रत्नागिरी : दि २९ जून- गुजरातमधील अहमदाबाद येथे झालेल्या पहिल्या जागतिक योगासन अजिंक्यपदस्पर्धेत विश्वविजेतेपद पटकावणारी चिपळूणची योगासनपटू तन्वी भूषण रेडीज हिची विशेष मुलाखत आकाशवाणी रत्नागिरी केंद्राच्या ‘इंद्रधनुष्य’ या कार्यक्रमात प्रसारित होणार आहे.
हा कार्यक्रम बुधवार १ जुलै रोजी सकाळी ९.३० वाजता प्रसारित केला जाणार आहे. या मुलाखतीत तन्वी रेडीज हिने आपल्या योगासन क्षेत्रातील सुरुवातीच्या प्रवासापासून ते जागतिक विजेतेपदापर्यंतचा प्रेरणादायी प्रवास उलगडला आहे. तसेच अहमदाबाद येथे झालेल्या पहिल्या जागतिक योगासन अजिंक्यपद स्पर्धेतील अनुभव, स्पर्धेची वैशिष्ट्ये, तयारी, आव्हाने आणि विश्वविजेतेपदाचा अविस्मरणीय क्षण याविषयीही तिने मनमोकळा संवाद साधला आहे.
हा संवाद सोनाली सावंत यांनी साधला असून, विवेक वानखडे हे या कार्यक्रमाचे सादरकर्ते आहेत.
हा कार्यक्रम आकाशवाणी रत्नागिरी केंद्राच्या ११४३ किलोहर्ट्झ मध्यमलहरी, १०१.५ मेगाहर्ट्झ एफ.एम. वाहिनीवर तसेच NewsOnAir या मोबाईल अॅपवर थेट ऐकता येणार आहे. श्रोत्यांनी ही प्रेरणादायी मुलाखत अवश्य ऐकावी असे आवाहन आकाशवाणी रत्नागिरी केंद्रातर्फे करण्यात आले आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
🎤 जनशक्तीचा दबाव न्यूज..
➤ (RNI NO. MAHMAR/2014/59698)
➤ भारत सरकारमान्य रजिस्टर न्यूजपेपर
