मुंबईतील छत्रपती शिवाजी महाराज टर्मिनस ते मडगाव गोवा मार्गावर ४ विशेष ट्रेन चालवल्या जाणार आहेत….
मुंबई प्रतिनिधी- आठवड्या अखेरीस प्रवासाचे नियोजन करणाऱ्या प्रवाशांसाठी मध्य रेल्वे मुंबई छत्रपती शिवाजी महाराज टर्मिनस ते गोवा मडगाव दरम्यान ४ विशेष गाड्या चालवणार आहे. प्रवासी तिकीट बुकिंगसाठी ‘रेलवन’ ॲप देखील डाउनलोड करू शकतात. या विशेष गाड्यांच्या थांब्यांवरील सविस्तर वेळेसाठी संकेतस्थळाला भेट द्या किंवा एनटीइएस ॲप डाउनलोड करा, असे आवाहन करण्यात आले आहे.
गाडी क्रमांक ०१०२९ विशेष गाडी दिनांक १३.०८.२०२६ (गुरुवार) आणि दिनांक १५.०८.२०२६ (शनिवार) रोजी छत्रपती शिवाजी महाराज टर्मिनस मुंबई येथून ००.२५ वाजता सुटेल आणि मडगाव येथे त्याच दिवशी १५.१५ वाजता पोहोचेल. (२ सेवा).
गाडी क्रमांक ०१०३० विशेष गाडी दिनांक १३.०८.२०२६ (गुरुवार) आणि दिनांक १५.०८.२०२६ (शनिवार) रोजी मडगाव येथून १६.०० वाजता सुटेल आणि छत्रपती शिवाजी महाराज टर्मिनस मुंबई येथे दुसऱ्या दिवशी ०३.४५ वाजता पोहोचेल. (२ सेवा).
कोकण रेल्वेवर मुंबई-गोवा विशेष ट्रेन कुठे थांबणार?..
या विशेष ट्रेनला दादर, ठाणे, पनवेल, पेण, रोहा, माणगाव, वीर, खेड, चिपळूण, सावर्डा, संगमेश्वर रोड, रत्नागिरी, आडवली, राजापूर रोड, वैभववाडी रोड, कणकवली, सिंधुदुर्ग, कुडाळ, सावंतवाडी रोड, थिविम आणि करमाळी या ठिकाणी थांबे देण्यात आले आहे. तसेच १ वातानुकूलित द्वितीय, ५ वातानुकूलित तृतीय, १२ शयनयान, ४ सामान्य द्वितीय श्रेणी आणि २ द्वितीय असनासह गार्ड्स ब्रेक व्हॅन, अशी या ट्रेनची संरचना असेल.
दरम्यान, या विशेष ट्रेन क्रमांक ०१०२९ चे आरक्षण दिनांक ०८.०८.२०२६ रोजी सर्व पीआरएस केंद्रांवर आणि आयआरसीटीसी च्या संकेतस्थळावर (www.irctc.co.in) सुरू होईल. सामान्य दरांसह अनारक्षित डब्यांचे बुकिंग युटीएस प्रणालीद्वारे करता येईल.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
