⏩रत्नागिरी ,18 एप्रिल- जिल्ह्यातील आरटीई’ प्रवेशासाठी एकूण 929 जागांसाठी 728 विद्यार्थ्यांना या प्रवेशाची लॉटरी लागली आहे. त्यासंदर्भातील एसएमएस संबधित विद्यार्थ्यांच्या पालकांना पाठवले जात आहेत. दरम्यान ‘आरटीई’ पोर्टलची तांत्रिक यंत्रणा कोलमडल्याने पालकांमध्ये गोंधळाचे वातावरण झाले होते. त्याची दखल घेत अखेर शिक्षण विभागाने प्रवेशाची माहिती पाहण्यासाठी पर्यायी संकेतस्थळ उपलब्ध करून दिले आहे.
आरटीईनुसार खासगी शाळांना मागासवर्गीय, आर्थिकदृष्ट्या दुर्बल घटक तसेच दिव्यांग विद्यार्थ्यांना 25 टक्के मोफत प्रवेश देणे बंधनकारक आहे. त्यानुसार रत्नागिरी जिल्ह्यातील 92 शाळांमध्ये आरटीई प्रवेशासाठी 929 जागांसाठी 1100 ऑनलाईन अर्ज प्राप्त झाले होते. नुकत्याच जाहीर करण्यात आलेल्या ऑनलाईन लॉटरीत 1 हजार 50 विद्यार्थ्यांची निवड करण्यात आली आहे. या यादीतील पात्र बालकाच्या पालकांनी अर्ज भरताना जी कागदपत्रे नोंदविली आहेत. त्या सर्व कागदपत्रांच्या मूळ व साक्षांकित प्रत, अलॉटमेंट लेटरची प्रत, हमीपत्रासह पडताळणी समितीकडे जाऊन प्रवेश निश्चित करावा लागणार आहे. आरटीई अंतर्गत निवड यादीतील प्रवेशपात्र बालकांनी पडताळणी समितीकडे जाऊन प्रवेश निश्चितीसाठी 25 एप्रिलपर्यंत मुदत देण्यात आली आहे.
जिल्ह्यातील 92 शाळांमध्ये आरटीई प्रवेशासाठी सादर झालेल्या 1 हजार 106 प्रवेशासाठी अर्ज केलेल्या बालकांच्या अर्जातून ऑनलाइन सोडत काढण्यात आली. त्या अर्जांपैकी तब्बल 728 विद्यार्थ्यांना आरटीईच्या सोडतीची लॉटरी लागली आहे. सध्या तसे एसएमएस पालकांना पाठविण्यात येत आहेत. परंतु दरम्यान आरटीई पोर्टलची तांत्रिक यंत्रणा कोलमडली. पण ज्या पालकांना एसएमएस आले नाहीत अशा पालकांना बालकांच्या प्रवेशासाठी आता प्राथमिक शिक्षण विभागाने पर्यायी संकेतस्थळ उपलब्ध करून दिले आहे.
