नवरात्रोत्सवाच्या मंगलमय वातावरणात निनावी देवी मंदिर उजळले मंगलमय वातावरण मध्ये शारदीय नवरात्रीला सुरुवात!..

Spread the love

नवदुर्गांच्या दर्शनासाठी भाविकांची गर्दी; पारंपरिक पूजा, आरती आणि भजनांनी मंडणारा भक्तिरस..

संगमेश्वर : भक्ती, श्रद्धा आणि परंपरेचा सुंदर संगम अनुभवायला मिळत असलेल्या नवरात्रोत्सवाला संगमेश्वर तालुक्यातील नावडी येथील श्री निनावी देवी मंदिरात उत्साहात प्रारंभ झाला आहे. मंदिरात आकर्षक फुलांची सजावट, रंगीबेरंगी विद्युत रोषणाई आणि धार्मिक विधींमुळे परिसरात मंगलमय वातावरण निर्माण झाले आहे. देवीच्या दर्शनासाठी भाविकांची वर्दळ वाढत असून, विविध धार्मिक कार्यक्रमांनी नवरात्रोत्सवाची रंगत अधिकच वाढली आहे.

घटस्थापनेपासून धार्मिक कार्यक्रमांची रेलचेल…

शारदीय नवरात्रोत्सवानिमित्त मंदिरात विधिवत घटस्थापना करण्यात आली. संगमेश्वर‌ नावडी येथे दरवर्षी प्रमाणे मानकरी दत्ताराम (बावा)सुर्वे यांच्या मार्गदर्शनाखाली श्री देवी निनावी मंदिरात देवी निनावी नवरात्रोत्सवाच्या निमित्ताने मंदिर परिसर आकर्षक फुलांनी सजविण्यात आला असून, विद्युत रोषणाईने मंदिराचे सौंदर्य खुलले आहे.

संगमेश्वर‌ नावडी येथे दरवर्षी प्रमाणे मानकरी दत्ताराम (बावा)सुर्वे यांच्या मार्गदर्शनाखाली श्री देवी निनावी मंदिरात देवी निनावी,देवी विठलाई देवी मानाई, देवी वरदायनी,देवी वाघजाई यांची मोठ्या भक्ती भावाने, तसेच श्रद्धेने व पारंपारिक विधीवत घटस्थापना करून नवरात्रौत्सवास सुरुवात करण्यात आली.

हा नवरात्रौत्सव साजरा करण्यासाठी येथील ज्ञाती भंडारी बांधव तेलीबांधव, नाभिक बांधव, स्थानिक ग्रामस्थ,तरुण वर्ग,व पंचक्रोशीतील देवी भक्तगण या सर्वांच्या सहकार्याने हा उत्सव मोठ्या आनंदात, गुण्या गोविंदाने साजरा करण्यात येतो.

या उत्सवानिमित्त देवी मंदिराला उत्तम प्रकारची विद्दुत रोषणाई व फुलांनी सजवल्याची एक देवीची सेवा मनापासून येथे करण्यात आली असून हा उत्सव एक वेगळा आनंद व‌ नवचैतन्य घेऊन आला आहे.

दररोज देवीची आरती, भजन, सिंगलबारी आणि डबलवारी भजनांचे कार्यक्रम आयोजित करण्यात येत आहेत. धार्मिक कार्यक्रमांमुळे परिसरात भक्तिमय वातावरण निर्माण झाले असून, भाविकांकडून उत्स्फूर्त प्रतिसाद मिळत आहे.

100 वर्षाहून अधिक वर्षांची परंपरा जपण्याचा संकल्प…

श्री निनावी देवी प्रसादिक मंडळाच्या वतीने नवरात्रोत्सवाचे नियोजन करण्यात आले आहे. मंडळाचे पदाधिकारी, कार्यकर्ते आणि ग्रामस्थ एकत्र येऊन धार्मिक परंपरा जपण्यासाठी परिश्रम घेत आहेत. मंदिरातील पूजा-विधी, उत्सवाचे नियोजन आणि भाविकांच्या सोयीसाठी कार्यकर्ते सक्रिय आहेत.

मंडळाच्या माहितीनुसार, नवरात्रोत्सवाच्या काळात परिसरातील तसेच आसपासच्या गावांतील भाविक देवीच्या दर्शनासाठी येत आहेत. त्यामुळे मंदिर परिसरात उत्साहाचे वातावरण पाहायला मिळत आहे.

६५ वर्ष वर्षांच्या सेवेनंतरही योगदान कायम.

मंदिराच्या धार्मिक परंपरेत मानकरी आणि सेवेकऱ्यांचे योगदान महत्त्वाचे राहिले आहे. कै. किसन हरिश्चंद्र सुर्वे यांनी सुमारे ६५ वर्षे मंदिराची सेवा केली. त्यानंतर दत्ताराम (बाबा) सुर्वे ३९ श्री निनावी देवी प्रसादिक मंडळाची मानकरी म्हणून जबाबदारी सांभाळली असून, मंदिराच्या धार्मिक कार्यात त्यांचे योगदान उल्लेखनीय असल्याचे मंडळाच्या वतीने सांगण्यात आले.

पोलिसांच्या सहकार्याबद्दल कृतज्ञता…

नवरात्रोत्सव शांततेत आणि सुव्यवस्थित पार पडावा यासाठी संगमेश्वर पोलिसांकडून सहकार्य मिळत आहे. पोलिस निरीक्षक मितेशी केणी आणि त्यांच्या सहकाऱ्यांनी दिलेल्या सहकार्याबद्दल मंडळाच्या वतीने आभार व्यक्त करण्यात आले.

भक्ती, परंपरा आणि एकतेचा उत्सव…

नवरात्रोत्सव हा केवळ धार्मिक सोहळा नसून ग्रामस्थांना एकत्र आणणारा आणि सांस्कृतिक परंपरांचे जतन करणारा उत्सव आहे. नावडी येथील श्री निनावी देवी मंदिरातील उत्सवातून श्रद्धा, सामाजिक एकोपा आणि सेवाभावाचा प्रत्यय येत आहे. आगामी दिवसांतही विविध धार्मिक कार्यक्रमांच्या माध्यमातून नवरात्रोत्सवाचा उत्साह कायम राहणार आहे.

अखंड हरिनाम सप्ताह, समाराधना व महाप्रसादाचे भाविकांना लाभ घ्यावा..

श्री निनावी देवी प्रसादिक मंडळ, संगमेश्वर** यांच्या वतीने आयोजित अखंड हरिनाम सप्ताहाचा भक्तिमय शुभारंभ रविवार, दिनांक ११ ऑक्टोबर २०२६ रोजी होणार असून, रविवार, दिनांक १८ ऑक्टोबर २०२६ रोजी या सप्ताहाची सांगता होणार आहे.

या धार्मिक सोहळ्याच्या निमित्ताने सोमवार, दिनांक १९ ऑक्टोबर २०२६ रोजी समाराधना व महाप्रसादाचे आयोजन करण्यात आले आहे.

या मंगलमय सोहळ्यात सर्व भाविकांनी सहकुटुंब सहभागी होऊन श्री निनावी देवीचे दर्शन घ्यावे आणि महाप्रसादाचा लाभ घ्यावा, असे आग्रहाचे आवाहन श्री निनावी देवी प्रसादिक मंडळाच्या वतीने करण्यात आले आहे.

स्थळ : श्री निनावी देवी मंदिर, संगमेश्वर