संगमेश्वर- ए. आर. कोकाटे- संगमेश्वर गावातून वाहत जाणारी पवित्र शास्त्री नदीच्या तीरावरून वसलेल्या बावीस गावातून वारकरी संप्रदाय वारकरी बंधू-भगिनी व बालके समाविष्ट होऊन शास्त्री तिरी संत वारकरी संप्रदाय संगमेश्वर बावीस गाव यांच्या वतीने प्रथम श्रावण मासी सोमवारी श्री विठ्ठल रखुमाईचा जयघोष करीत वारकरी दिंडी उत्साहात संपन्न झाली.
*रामपेठ राम मंदिर ते कर्णेश्वर मंदिर कसबा श्रावण सोमवार निमित्त वारी संपन्न..*
प्रथम प्रारंभी श्रीराम मंदिर रामपेठ येथील श्रीराम मंदिरात दिंडीची सुरुवात होताना मंदिरात श्रीराम सेवा मंडळ कमिटी यांच्यावतीने प्रशासक विवेक जी शेरे यांच्या शुभहस्ते दिंडी अध्यक्ष काशीराम साळवी यांना पुष्पहार अर्पण करण्यात आला व श्रीफळ देऊन सन्मान करण्यात आला.रामपेठ येथील नाना कोळवंणकर, चोचे हे उपस्थित होते.
सामाजिक कार्यकर्ते व मंदिरांच्या अध्यक्षांकडून वारकरी संप्रदायाचे कौतुक..
यानंतर सामाजिक कार्यकर्ते जनार्दन शिरगावकर, उपसंपादक दिनेश अंब्रे, सा. पो. त यांनी वारकरी संताचा गुलाबपुष्प देऊन सन्मान केला. यावेळी पोलीस ठाण्याचे उपनिरीक्षक श्री गावित यांना वारकरी संप्रदायाच्या वतीने पुष्पहार घालून सन्मान करण्यात आला तसेच पोलीस हेडकॉन्स्टेबल विनय मनवल यांचाही सन्मान करण्यात आला.
गणपती मंदिर येथे स्वागत…
दिंडी विठ्ठल नामाचा जयघोष अभंग करीत आठवडा बाजार मार्गे श्री देव गणपती मंदिरात स्वागत करण्यात आले. श्री देव गणपती मंदिर मंडळ यांच्या वतीने श्री प्रमोद भिंगार्डे,रमेश नारकर मंडळाचे सदस्य जितेंद्र प्रसादे, मंदार खातू, शशांक खातू, राहुल कुचेकर, उदय संसारे आदींनी विणेला पुष्पहार अर्पण करून दिंडी अध्यक्ष काशीराम साळवी माजी अध्यक्ष काशीराम भूरवणे यांचे गुलाब पुष्प देऊन स्वागत करण्यात आले.
श्रीदेवी निनावी मंदिर मध्ये स्वागत…
यावेळी प्रसाद म्हणून लाडू वाटप भाविकांना करण्यात आले. त्यानंतर श्री निनावी देवी मंदिर येथे श्री निनावी देवी प्रासादिक मंडळाचे अध्यक्ष दत्ताराम बाबा सुर्वे यांनी विणेची पूजा करून पुष्पहार अर्पण केला.
गुरव उपस्थित होते यावेळी वारकरी भक्तांनी देवीचा जागर गायला व येथे फळ वाटप करण्यात आले. नंतर मुख्य बाजारपेठेतून दिंडी प्रस्थान करत असताना ज्ञानेश्वर माऊली तुकाराम व सद्गुरुरायांचा निवृत्ती राया सोपान मुक्ताबाई ज्ञान सखया इत्यादी प्रकाराने विठ्ठल नामांचा वारसा परंपरेचा जयघोष करण्यात आला. यामुळे तसेच राम कृष्ण हरी माऊली जय जय काराने अवघ्या आसमंत दुमदुमले. सोनवी पूल जवळून लाकूड गिरण हायवे मार्गे जाखमाता मंदिर येथे दिंडी स्वागत झाले. तेथे रुपेश शेटे यांनी चहा नाष्टाची सेवा केली.
कसबा संगमेश्वर येथे वारकरी दिंडीचे स्वागत…
पुढे कसबा संभाजी स्मारक येथे गोल रिंगण करून हरिनामाचा जयघोष करण्यात आला.नागरिकांना दर्शन घडले तसेच कर्णेश्वर मंदिर येथे तेथील कमिटीच्या वतीने स्वागत करण्यात आले. यावेळी जिल्हा परिषदेचे माजी अध्यक्ष राजेंद्रजी महाडिक व पंचायत समिती माजी सभापती बंडाशेठ महाडिक यांनी वारकऱ्यांची चहापाण्याची व्यवस्था केली.
कर्णेश्वर मंदिर येथे रिंगण…
कर्णेश्वर येथे रिंगण केले त्यानंतर संगम काशीद क्षेत्र श्रीराम मंदिरात दर्शन व तेथे बेडेकर गुरुजी यांनी फराळ वाटप केला तसेच मंगलमूर्ती ट्रेडर्स व गणेश ट्रेडर्स साठे बंधू यांनी सेवाभाव केला. त्यानंतर दिंडीची सांगता झाली त्यामुळे परिसरात भक्ती मय व चैतन्याचे वातावरण तयार झाले.टाळ मृदुंग व अभंगाच्या जयघोषात शास्त्री नदीच्या तीराला प्रति पंढरपूरचे स्वरूप आल्यासारखे भासत होते.
संगमेश्वर पोलीस ठाण्याचे पोलीस निरीक्षक मितेश केणी व पोलीस दल यांचे उत्तम मार्गदर्शन लाभले. या दिंडीमुळे शास्त्री नदीला अनन्यसाधारण महत्त्व आले आहे. सामाजिक कार्यकर्ते पत्रकार जेष्ठ नागरिक व महिला बंधू भगिनी तसेच विविध संस्थांचे पदाधिकारी यांनी उपस्थिती दर्शवली.
समाजातील बांधवांनी सेवाभाव योगदान व सहभाग दर्शविला. शास्त्री तिरी वारकरी संप्रदाय होता.श्रावण महिन्यातील या दिंडी सोहळ्यामुळे संगमेश्वर परिसरवासीयांनी समाधान व्यक्त केले. नागरिकांमध्ये या सामाजिक व सांस्कृतिक परंपरा जपणाऱ्या उपक्रमाचा स्वागत करण्यात आले आहे. असे उपक्रम राबवले गेले पाहिजेत असे नागरिकांमधून बोलले जात आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
