रत्नागिरी, दि. २५ जुलै : महाराष्ट्राचे मुख्यमंत्री देवेंद्र फडणवीस यांच्या वाढदिवसानिमित्त भारतीय जनता पार्टी रत्नागिरी शहर मंडळाच्या वतीने शहराध्यक्ष परशुराम (दादा) ढेकणे व संयोजक अजिंक्य केसरकर यांच्या नेतृत्वाखाली रक्तदान शिबिराचे आयोजन करण्यात आले.
समाजाप्रती असलेली बांधिलकी जपत आयोजित करण्यात आलेल्या या शिबिराला नागरिकांचा उत्स्फूर्त प्रतिसाद लाभला. शिबिरामध्ये एकूण ५६ रक्तदात्यांनी रक्तदान करून मुख्यमंत्री देवेंद्र फडणवीस यांना अनोख्या पद्धतीने वाढदिवसाच्या शुभेच्छा दिल्या.
या प्रसंगी भाजप शहर सरचिटणीस संदीप सुर्वे, निलेश आखाडे जिल्हा सरचिटणीस ओंकार फडके, उपाध्यक्ष राजू भाटलेकर, उपनगराध्यक्ष समीर तिवरेकर, महिला मोर्चा रत्नागिरी द. जिल्हाध्यक्षा सौ. वर्षा ढेकणे, महिला मोर्चा शहराध्यक्षा भक्ती दळी, नगरसेवक नितीन जाधव, सुप्रिया रसाळ, मानसी करमरकर, राजू तोडणकर, मंदार भोळे, मंदार खंडकर, डॉ. ऋषी केळकर, मनोज पाटणकर, सोनाली केसरकर, संदीप रसाळ, अशोक वाडेकर, पुंडलिक पावसकर, संकेत कदम, शोनाली आंबेरकर, प्रज्ञा टाकळे, शैलेश बेर्डे, मुक्ता बाष्टे, प्रसाद बाष्टे, नुपूरा मुळ्ये, प्रशांत घाणेकर, सायली बेर्डे, विजया भाटकर, अद्वैत कुळकर्णी, पुंडलिक पावसकर आणि भारतीय जनता पार्टीचे इतर पदाधिकारी कार्यकर्ते व रक्तदाते मोठ्या संख्येने उपस्थित होते.
या वेळी शहराध्यक्ष दादा ढेकणे यांनी रक्तदात्यांचे आभार मानत, “रक्तदान हेच श्रेष्ठ दान असून समाजहिताच्या अशा उपक्रमांद्वारे मुख्यमंत्री देवेंद्र फडणवीस यांचा वाढदिवस साजरा करणे हीच त्यांना खरी मानवंदना आहे,” असे सांगितले. पदाधिकारी, कार्यकर्ते आणि रक्तदात्यांच्या संयुक्त सहभागातून हे रक्तदान शिबिर उत्साहात व यशस्वीरित्या पार पडले.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
