डोळ्यांच्या विविध आजारांची तपासणी, विद्यार्थ्यांसह पालक आणि ग्रामस्थांना लाभ
*संगमेश्वर-* जिजाऊ शैक्षणिक सामाजिक संस्थेच्या वतीने संगमेश्वर येथील व्यापारी पैसाफंड संस्था संचलित पैसा फंड इंग्लिश स्कुल आणि कनिष्ठ महाविद्यालय येथे नुकतेच नेत्र चिकित्सा शिबीर संपन्न झाले. या शिबिराचा विद्यार्थ्यांसह पालक आणि ग्रामस्थांना मोठा लाभ झाला.
या शिबिरात डोळ्यांचे विविध आजार, चष्म्यासाठी नेत्र तपासणी करण्यात आली. यासाठी जिजाऊ शैक्षणिक सामाजिक संस्थेच्या मेडिकल टीम मधील डॉ. कल्पेश आपटे , डॉ. अनिकेत माणकापुरे, दीप्ती सावंत शिवानी लिंगायत, सिद्धेश सावंत तसेच संगमेश्वर तालुका जिजाऊ टीम प्रमुख राजेश धामणे, श्वेता पवार , मनोज पांचाळ, व्यापारी पैसा फंड संस्थेचे सचिव धनंजय शेट्ये, सदस्य रमेश झगडे , पर्यवेक्षक प्रकाश दळवी प्रशालेचे कर्मचारी यावेळी उपस्थित होते.
प्रशालेचे पर्यवेक्षक प्रकाश दळवी यांनी कार्यक्रमाचे प्रास्ताविक केले आणि नेत्रचिकित्सा शिबिराचा उद्देश स्पष्ट केला. व्यापारी पैसा फंड संस्थेचे सचिव धनंजय शेट्ये यांनी जिजाऊ शैक्षणिक सामाजिक संस्थेचे संस्थापक निलेश सांबरे यांनी कोकणात सर्वत्र शैक्षणिक आणि सामाजिक सह आरोग्य विषयक जे काम उभे केले आहे, ते अभिनंदननीय आहे असे मत व्यक्त करून या संस्थेने आमच्या प्रशालेत नेत्रचिकित्सा शिबिर आयोजित केल्याबद्दल व्यापारी पैसाफंड संस्थेच्या वतीने शेट्ये यांनी कृतज्ञता व्यक्त केली.
यावेळी जिजाऊ शैक्षणिक सामाजिक संस्थेच्या सर्व टीमचा संस्था सचिव धनंजय शेट्ये आणि सदस्य रमेश झगडे यांच्या हस्ते डॉक्टर मंडळींचा शाल श्रीफळ, पुष्पगूच्छ देवून तर अन्य सहकाऱ्यांना गुलाब पुष्प देवून यथोचित सन्मान केला. जिजाऊ शैक्षणिक सामाजिक संस्थेने प्रशालेत नेत्रचिकित्सा शिबिर आयोजित केल्याबद्दल व्यापारी पैसा फंड संस्थेचे अध्यक्ष अनिल शेट्ये, उपाध्यक्ष किशोर पाथरे , सचिव धनंजय शेट्ये, सदस्य संदीप सुर्वे, रमेश झगडे, मुख्याध्यापक सचिन देव खामकर, पर्यवेक्षक प्रकाश दळवी यांनी जिजाऊ संस्थेचे संस्थापक निलेश सांबरे यांना धन्यवाद दिले आहेत.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
