संगमेश्वर : संगमेश्वर-कोल्हापूर राज्य मार्गावरील संगमेश्वर ते देवरूख हा रस्ता पुन्हा एकदा खड्डेमय झाला आहे. पावसाळ्यापूर्वी सार्वजनिक बांधकाम विभागाकडून संगमेश्वर ते बुरंबी या पट्टयातील खड्डे भरून तात्पुरती दुरुस्ती करण्यात आली होती. मात्र, मुसळधार पावसामुळे हे खड्डे पुन्हा उघडे पडले आहेत. त्यामुळे मार्गावरील प्रवास जीवघेणा ठरत आहे.
रस्त्यावर अनेक ठिकाणी मोठ्या प्रमाणात पाणी साचत असल्याने खड्ड्यांचा अंदाज येत नाही. परिणामी दुचाकीस्वार आणि चारचाकी वाहनचालकांना जीव मुठीत धरून प्रवास करावा लागत आहे. अनेक ठिकाणी वाहनांचे नुकसान होत असून, अपघाताची भीतीही वाढली आहे.
रस्ता झाल्यापासून खड्डेच खड्डे, कॉन्ट्रॅक्टर ची जबाबदारी असताना काम करून घेण्याकडे दुर्लक्ष…
संगमेश्वर देवरुख साखरकर रस्त्याला करोड रुपयांचा निधी आला. सदरचे काम झाल्यापासून अगदी पहिल्या वर्षी सदर रस्त्याला खड्डे पडले होते. गेली पाच वर्ष रस्त्यावरची प्रचंड खड्डे पडत आहे. परंतु सार्वजनिक बांधकाम विभाग देवरुख कोणती कारवाई करत नाही. रस्त्याचे काम करतानाच काँक्रेटरने निकृष्ट दर्जाचे काम केले आहे. टेंडर नुसार काम झालेले नसल्याचे यापूर्वी अनेक वेळा उघड झाले आहे. अनेक तक्रारी झालेले आहेत हा प्रश्न उपस्थित होत आहे. सदर रस्त्यावर पडलेले खड्डे पावसापूर्वीच्या असून ये बुजवण्यामध्ये मध्ये कॉन्ट्रॅक्टरने दुर्लक्ष केल्याचे दिसून येत आहे. खड्डे भरण्याची जबाबदारी कॉन्ट्रॅक्टरची असताना कॉन्ट्रॅक्टर कडून पडले का भरून घेतले जात नाहीत हा प्रश्न येथे उपस्थित होत आहे.
खड्डे त्वरित भरण्याची नागरिकांचे मागणी…
सार्वजनिक बांधकाम विभाग देवरुख यांनी तात्काळ रस्त्याचे खड्डे भरून घ्यावेत . अशी मागणी करण्यात आलेली आहे . ग्रामस्थ आणि वाहनचालकांनी सार्वजनिक बांधकाम विभागाने या मार्गाची तातडीने दुरुस्ती करावी, अशी मागणी केली आहे. पावसाळा सुरू असतानाच कायमस्वरूपी उपाययोजना न झाल्यास भविष्यात मोठा अपघात होण्याची शक्यता व्यक्त केली जात आहे. अनेक अपघात होतात त्या माणसांचा जीव जाण्याची वाट बघत आहेत का असा संतप्त प्रश्न नागरिक विचारत आहेत.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
