मुंबई पोलिसांनी वेश्याव्यवसाय रॅकेटचा पर्दाफाश केला असून त्यातून दोन अभिनेत्रींची सुटका केली आहे. यापैकी एक मराठी चित्रपटांमधील आघाडीची अभिनेत्री असल्याची माहिती समोर येत आहे. तर दुसरी बंगाली आणि बॉलिवूडमध्ये छोट्या भूमिका साकारणारी अभिनेत्री आहे.
मुंबई | २९ जून २०२६- मुंबईतील गिरगाव परिसरात सुरू असलेल्या कथित देहव्यापार रॅकेटचा मुंबई पोलिसांनी मोठा पर्दाफाश केला आहे. एका हॉटेलवर टाकलेल्या छाप्यात दोन महिलांची सुटका करण्यात आली असून, त्यामध्ये मराठी चित्रपटसृष्टीतील एका आघाडीच्या अभिनेत्रीचा तसेच बंगाली आणि बॉलिवूड चित्रपटांत काम केलेल्या एका अभिनेत्रीचा समावेश असल्याची माहिती समोर आली आहे.या कारवाईमुळे मनोरंजन क्षेत्रात एकच खळबळ उडाली आहे.
वेश्याव्यवसाय करणाऱ्या टोळीचा पर्दाफाश…
यापूर्वी जानेवारी महिन्यात अनैतिक मानवी तस्करी प्रतिबंधक कक्षाच्या (AIITD) एका पथकाने नवी मुंबईतील तुर्भे नाका परिसरातील एका लॉजमध्ये चालणाऱ्या अवैध वेश्याव्यवसाय टोळीचा पर्दाफाश केला होता. या कारवाईत पथकाने घटनास्थळावरून सात महिलांची सुटका केली होती. एका खबऱ्याने दिलेल्या माहितीच्या आधारे, पोलिसांनी या टोळीत सामील असलेल्या तीन जणांना अटक केली.
पोलिसांनी या कारवाईसाठी बनावट ग्राहक पाठवून खात्री केल्यानंतर छापा टाकला.छाप्यात घटनास्थळावरून महिलांची सुटका करण्यात आली असून, या रॅकेटशी संबंधित असलेल्या एका दलालाला रंगेहाथ अटक करण्यात आली आहे. प्राथमिक माहितीनुसार, अटक करण्यात आलेला आरोपी मेकअप आर्टिस्ट म्हणूनही काम करत होता.
महिलांची सुरक्षित सुटका करून त्यांना आवश्यक ती मदत उपलब्ध करून देण्यात आली आहे. या प्रकरणामागे आणखी कोणाचा सहभाग आहे, रॅकेट किती मोठ्या प्रमाणात कार्यरत होते आणि त्याचे इतर शहरांशी काही संबंध आहेत का, याचा मुंबई पोलीस सखोल तपास करत आहेत.
कल्याणमध्ये महिला वकिलाच्या पुढाकाराने वेश्या व्यवसाय..
दुसरीकडे कल्याण पूर्व भागातील एका नामांकित हॉटेलमध्ये एक ज्येष्ठ महिला वकील काही गरजू पीडित मुलींना हाताशी धरून वेश्या व्यवसाय चालवत असल्याचा आणखी एक धक्कादायक प्रकार उघडकीस आला. ठाणे पोलिसांच्या मानवी तस्करी प्रतिबंधक कक्षाने हा प्रकार उघडकीस आणला असून याप्रकरणी मुख्य सूत्रधार वकील महिलेला पोलिसांनी अटक केली आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
