चिपळूण (प्रतिनिधी): सध्या पाऊस खूप आहे. पाऊस जाऊ दे. आम्हाला दोन-तीन महिने मिळू दे. मुंबई-गोवा महामार्ग पूर्ण होईल. केंद्रीय परिवहन मंत्री नितीन गडकरी माझे चांगले मित्र आहेत. मित्रत्वाचा उपयोग मुंबई-गोवा महामार्गाच्या चौपदरीकरण पूर्णत्वासाठी करून घेऊ, अशी ग्वाही माजी केंद्रीय मंत्री, माजी मुख्यमंत्री तथा खासदार नारायण राणे यांनी चिपळूणमध्ये आयोजित जनता दरबारानंतर पत्रकारांशी संवाद साधताना दिली.
खा. राणे जनता दरबारात निमित्त चिपळूणमध्ये आले होते. यावेळी जनता दरबार संपल्यानंतर त्यांनी पत्रकारांशी संवाद साधला. या वेळी माजी आमदार विनय नातू, भाजप नेते प्रशांत यादव, उत्तर रत्नागिरी जिल्हाध्यक्ष सतीश मोरे, दक्षिण रत्नागिरी जिल्हाध्यक्ष राजेश सावंत, भाजप चिपळूण तालुकाध्यक्ष विनोद भुरण, शहराध्यक्ष शशिकांत मोदी आदी उपस्थित होते.
पत्रकारांच्या प्रश्नांना उत्तर देताना खासदार नारायण राणे यांनी उद्धव ठाकरे व आदित्य ठाकरे या दोघांवर टीकेची झोड उठवली. ते म्हणाले, “उद्धव ठाकरे यांना चांगले काही बोलता येते का? शुद्ध विचार देता येतात का?” असा सवाल उपस्थित करीत देशाचे गृहमंत्री अमित शाह यांच्यावर केलेल्या टीकेला उत्तर देताना त्यांनी म्हटले की, “अमित शाह देशाचे गृहमंत्री आहेत. शिवसेनाप्रमुख बाळासाहेब ठाकरे कलम ३७० बद्दल बोलायचे. ते कलम अमित शाह यांनी रद्द केले. अशा नेतृत्वावर तोंडात येईल ते बोलतो. उद्धव ठाकरे नाव न घेण्यासारखा माणूस आहे.”
राणे पुढे म्हणाले, “संजय राऊत शिवसेनेसाठी कुबडी बनला आहे. थोडे दिवस जाऊ दे, त्याचीच कुबडी बाजूला करून देतील. आणि आदित्य ठाकरे कोण? त्याचे विधायक सामाजिक कार्य काय आहे?” असा सवाल त्यांनी उपस्थित केला.
शेतकऱ्यांच्या पाठीशी सरकार ठामपणे उभे असून शेतकऱ्यांना मदत केली जाईल, असेही राणे यांनी स्पष्ट केले. “कोकणातील पिकांच्या नुकसानीसंदर्भात सर्वेक्षण सुरू आहे. याबाबत शासन लवकरच मदत जाहीर करेल,” अशी ग्वाही त्यांनी दिली.
चिपळूण शहरातील लाल-निळ्या पुररेषा संदर्भात पाठपुरावा सुरू असून चिपळूणवासीयांना अपेक्षित निर्णय लवकरच मिळेल, असेही त्यांनी सांगितले.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️
*अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी https://chat.whatsapp.com/Fz2GJdNzxjp7ru6fTzARHp?mode=ems_copy_t कम्युनिटी लिंक मध्ये सामील व्हा*
*आपल्याला प्रतिनिधी बनायचे असल्यास , बातम्या पाठवायच्या असल्यास किंवा आपल्यावर अन्याय होत असल्यास आम्ही आपल्या पाठीशी उभे राहू आम्हाला 8928622416 मोबाईल नंबर वर कॉन्टॅक्ट करा व माहिती द्या..*
*“जनशक्तीचा दबाव न्यूज”च्या बातम्या मिळविण्यासाठी 7400104268 आणि 8928622416 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.*
*मराठी बातम्या, ब्रेकिंग न्यूज मराठीत सर्वात आधी janshakticha dabav वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट janshaktichadabav.com वर नक्कीच व्हिजिट करा…*
