रत्नागिरी : जिल्हा परिषद व आयआयटी मुंबई यांच्या सहकार्याने रस्त्यांच्या पृष्ठभागांचा दर्जा ठरविण्यासाठी तयार करण्यात आलेल्या कृत्रिम बुध्दीमत्ता सक्षम पीसीआय ॲपचे लोकार्पण पालकमंत्री उदय सामंत यांच्या हस्ते आज करण्यात आले.
रत्नागिरी तालुक्यातील प्रायोगिक तत्त्वावर पाली बौध्दवाडी, पाली पाथरट व चरवेली नागलेवाडी या तीन नळपाणी पुरवठा योजना आयओटी सेंसरवर आधारित ॲटोमेटिक रिमोट मॉनेटरिंग सिस्टीम सुरु करण्याचे उद्घाटनही पालकमंत्र्यांच्या हस्ते करण्यात आले.
कोल्हापूर जिल्ह्यातील शिरोळ तालुक्यातील केपीटी इंडस्ट्रीज लि. या कंपनीच्या सीएसआर फंडातून जिल्हा परिषदेला प्राप्त झालेल्या ग्रामपंचायतींना कचरा संकलनासाठी देण्यात येणाऱ्या बॅटरी ऑपरेटेड 15 हायड्रोलिक ई कार्टचे लोकार्पण देखील पालकमंत्री श्री. सामंत यांच्या आज करण्यात आले.
यावेळी मुख्य कार्यकारी कीर्ती किरण पुजार, अतिरिक्त मुख्य कार्यकारी परिक्षीत यादव, उप मुख्य कार्यकारी अधिकारी राहूल देसाई, विजयसिंह जाधव, गटविकास अधिकारी जे. पी. जाधव, कार्यकारी अभियंता मानसिंग पाटील आदी उपस्थित होते.
