मुंबई- विधानसभा निवडणुकीच्या पार्श्वभूमीवर भारतीय जनता पक्षाच्या वतीने 40 स्टार प्रचारकांची यादी जाहीर करण्यात आली आहे. या यादीमध्ये पंतप्रधान नरेंद्र मोदी, अमित शहा, नितीन गडकरी, योगी आदित्यनाथ, देवेंद्र फडणवीस यांच्याबरोबरच नवनीत राणा यांच्या नावाचा देखील समावेश करण्यात आला आहे. या यादीमध्ये दोन महिलांचा देखील समावेश करण्यात आला आहे. यात नवनीत राणा यांच्याबरोबरच स्मृती इराणी आणि पंकजा मुंडे यांना देखील स्थान देण्यात आले आहे.
भारतीय जनता पक्षाच्या वतीने स्टार प्रकारांच्या यादीमध्ये पक्षाचे प्रमुख नेते पंतप्रधान नरेंद्र मोदी, पक्षाचे अध्यक्ष जगत प्रकाश नड्डा, केंद्रीय मंत्री राजनाथ सिंग, अमित शहा, नितीन गडकरी यांच्यासोबतच भाजपशासित राज्यांचे मुख्यमंत्री तसेच राज्यातील प्रमुख नेते देवेंद्र फडणवीस, चंद्रशेखर बावनकुळे, रावसाहेब दानवे, नारायण राणे, पियुष गोयल, अशोक चव्हाण, चंद्रकांत पाटील, आशिष शेलार, पंकजा मुंडे, सुधीर मुनगंटीवार, राधाकृष्ण विखे पाटील, गिरीश महाजन, रविद्र चव्हाण यांचा देखील समावेश केला आहे. याचबरोबर नव्याने केंद्रत मंत्री झालेले मुरलीधर मोहोळ यांना देखील या यादीमध्ये स्थान देण्यात आले आहे.
🔹️नवनीत राणा यांच्या नावाचा समावेश…
नुकत्याच झालेल्या लोकसभा निवडणुकीत भारतीय जनता पक्षाने नवनीत राणा यांना अमरावती मतदारसंघातून उमेदवारी दिली होती. मात्र, त्यांचा पराभव झाला. नवनीत राणा या हैदराबाद येथे देखील भाजपचा प्रचार करण्यासाठी पोहोचल्या होत्या. आता महाराष्ट्राच्या विधानसभा निवडणुकीत देखील नवनीत राणा या भारतीय जनता पक्षाच्या स्टार प्रचारक असतील. लोकसभा निवडणुकीच्या प्रचारादरम्यान नवनीत राणा यांनी केलेल्या मुस्लिम समाजाबद्दलच्या वक्तव्यामुळे चांगलाच वाद निर्माण झाला होता. त्यामुळे आता विधानसभा निवडणुकीत देखील नवनीत राणा यांच्या वक्तव्यांकडे सर्वांचे लक्ष असणार आहे.
🔹️भाजपच्या स्टार प्रचारकांची यादी देखी पहा….
▪️नरेंद्र मोदी
▪️जगत प्रकाश नड्डा
▪️राजनाथ सिंह
▪️अमित शहा
▪️नितीन गडकरी
▪️योगी आदित्यनाथ
▪️डॉ. प्रमोद सावंत
▪️भूपेंद्रभाई पटेल
▪️विष्णू देव साई
▪️डॉ. मोहन यादव
▪️भजनलाल शर्मा
▪️नायब सिंह सैनी
▪️हिमंता बिस्वा सरमा
▪️शिवराज सिंह चौहान
▪️देवेंद्र फडणवीस
▪️चंद्रशेखर बावनकुळे
▪️शिवप्रकाश
▪️भूपेंद्र यादव
▪️अश्विनी वैष्णव
▪️नारायण राणे
▪️पीयूष गोयल
▪️ज्योतिरादित्य एम. सिंधिया
▪️रावसाहेब दानवे पाटील
▪️अशोक चव्हाण
▪️उदयनराजे भोंसले
▪️विनोद तावडे
▪️ॲड. आशिष शेलार
▪️पंकजा मुंडे
▪️चंद्रकांत (दादा) पाटील
▪️सुधीर मुनगंटीवार
▪️राधाकृष्ण विखे पाटील
▪️गिरीश महाजन
▪️रवींद्र चव्हाण
▪️स्मृती इराणी
▪️प्रवीण दरेकर
▪️अमर साबळे
▪️मुरलीधर मोहोळ
▪️अशोक नेते
▪️डॉ. संजय कुटे
▪️नवनीत राणा
