*कोल्हापूर-* आगामी विधानसभा निवडणुकीच्या पार्श्वभूमीवर शरद पवार कोल्हापूर दौऱ्यावर आहेत. दौऱ्याच्या दुसऱ्या दिवशी शरद पवार यांच्या उपस्थितीत भाजप नेते समरजीत सिंह घाटगे यांनी राष्ट्रवादी काँग्रेस शरदचंद्र पवार पक्षात प्रवेश केला. कागलमधील ऐतिहासिक गैबी चौकात हा पक्षप्रवेश सोहळा पार पडला. शरद पवार यांनी पुष्पगुच्छ आणि पक्षाचे प्रदेशाध्यक्ष जयंत पाटील यांनी पक्षाचे उपरणे समरजीत घाटगे यांच्या गळ्यात टाकून त्यांचा पक्षप्रवेश केला.
यावेळी समरजीत घाटगे यांनी कागलमध्ये पुढील दोन महिने आपल्याला शरद पवार यांचा संदेश गावागावत घेऊन जायचा आहे. राष्ट्रवादी काँग्रेसची तुतारी घराघरात घेऊन जायची आहे. कोणी कितीही म्हणत असले की आपला विजय पक्का आहे, त्यांना काहीही म्हणू देत, आपल्याला राष्ट्रवादी काँग्रेस शरदचंद्र पवार पक्षाचा विचार घराघरात घेऊन जायचा आहे, असे म्हणत आगामी विधानसभेचे रणशिंग फुंकले. कागलमध्ये 100 टक्के परिवर्तन होणार, असं समरजित घाटगे म्हणाले.
तसेच पाऊस असूनदेखील सभेला मोठी गर्दी जमली आहे. पक्षात आणखी अनेकांचा प्रवेश होणार, असं सूचक वक्तव्य समरजित घाटगे यांनी यावेळी केलं. शरद पवार यांनीच सांगितले की सभा गैबी चौकात घ्या. काही जणांना वाटत होत गैबी चौकातच आपलीच सभा होईल. पण हा वस्तादांचाच गैबी चौक आहे. स्वर्गीय मंडलिक आणि घाटगे यांनी राजकीय विरोध प्रामाणिकपणे केला. त्यांचा संघर्ष प्रामाणिक राहिला आहे. त्यांनी कागलचा पुरोगामी विचार पुढे नेला तेच मी करणार. असं शरद पवार म्हणाले.
