संगमेश्वर मधील माखजन ऑनलाइन फसवणूक, संगमेश्वर तालुक्यातील ऑनलाइन फसवणुकीची तिसरी घटना, रत्नागिरी मध्ये ऑनलाइन फसवलं चे सायबर क्राईम पोलिसांना आव्हान…

Spread the love

संगमेश्वर प्रतिनिधी- संगमेश्वर तालुक्यातील माखजन येथे ऑनलाइन फसवणूक करण्यात आली आहे. सध्या ऑनलाईन फसवणूक करणाऱ्या चोरांची धुमाकूळ पाहायला मिळत आहे. गेल्या महिनाभरात सायबर फसवणुकीची तब्बल तिसरी मोठी घटना घडल्याने संपूर्ण जिल्ह्यात प्रचंड खळबळ उडाली आहे. विशेष म्हणजे, संगमेश्वर शहरात लागोपाठ घडलेल्या दोन खळबळजनक घटना अद्याप ताज्या असतानाच आणि त्यांचा तपास सुरू असतानाच, सायबर चोरांनी आता ग्रामीण भागातील प्रमुख व्यापारी केंद्र असलेल्या माखजन बाजारपेठेला आपले लक्ष्य केले आहे. माखजन येथील एका फुटवेअर व्यावसायिकाच्या बँक खात्यातून अज्ञात भामट्याने कोणतीही संमती नसताना तब्बल ३८ हजार रुपये उडवल्याची धक्कादायक घटना समोर आली आहे. सायबर गुन्हेगारांच्या या वाढत्या हिंमतीमुळे संपूर्ण तालुक्यातील व्यापारी वर्गात घबराटीचे वातावरण निर्माण झाले आहे. सायबर पोलिसांपुढे नवीन आव्हान उभे राहिले आहे.

रत्नागिरी मध्ये ऑनलाइन फसवणुकीची सध्या जोरदार चर्चा?

रत्नागिरी जिल्ह्यामध्ये गेल्या काही दिवसांत संगमेश्वर तालुक्यात एकापाठोपाठ एक सायबर फसवणुकीच्या दोन मोठ्या घटना घडल्या होत्या. या घटनांमुळे आधीच नागरिक भयभीत असताना, आता थेट माखजन बाजारपेठेत हा तिसरा घाला घालण्यात आला आहे. एकाच महिन्यात एकाच तालुक्यात लागोपाठ तीन गुन्हे घडल्याने, तालुक्यात सायबर चोरांचे एखादे मोठे नेटवर्क सक्रिय झाले आहे की काय? अशी दाट शंका आता उपस्थित केली जात आहे. अत्यंत हुशारीने आणि तांत्रिक कौशल्याचा वापर करून हे चोर सर्वसामान्यांच्या कष्टाच्या पैशांवर डल्ला मारत असल्याने ही अत्यंत चिंताजनक बाब बनली आहे. कोणताही मेसेज किंवा ओटीपी न घेताच बहुतेक घटनांमध्ये ऑनलाइन फसवणूक पॅटर्न घटनेचा नवीन ट्रेड समोर येत आहे. त्यामुळे नागरिकांमध्ये चिंतेचे वातावरण आहे.

संगमेश्वर तालुक्यातील माखजन संध्याकाळी दुकानात काम करत असताना ऑनलाईन फसवणूक…

संगमेश्वर तालुक्यातील माखजन रोहिदासवाडी येथील रहिवासी संतोष यशवंत सावर्डेकर यांचे माखजन बाजारपेठेत फूटवेअरचे दुकान आहे. २५ मे २०२६ रोजी सायंकाळी ६ ते रात्री ९ च्या सुमारास ते आपल्या दुकानात नेहमीप्रमाणे व्यवसाय करत असताना हा ऑनलाईन फसवणूक झाली आहे. अज्ञात चोराने सावर्डेकर यांच्या विविध बँक खात्यांमध्ये असलेली रक्कम ऑनलाइन पद्धतीने निकामी केली आहे. त्यांनी सावर्डेकर आणि त्यांच्या पत्नीच्या नावे असलेल्या बँक ऑफ महाराष्ट्र (शाखा माखजन) येथील संयुक्त खात्यातून २,००० रुपये, जनता सहकारी बँकेच्या खात्यामधून १२,००० रुपये आणि बँक ऑफ महाराष्ट्र येथील दुसऱ्या वैयक्तिक खात्यातून २४,००० रुपये अशी एकूण ३८,००० रुपयांची रक्कम वेगवेगळ्या खात्यांवर ऑनलाईन पद्धतीने परस्पर ट्रान्सफर करून घेतली आणि बँक खाती रिकामी केली. आपली फसवणूक झाल्याचे समजताच सावर्डेकर यांनी तातडीने संगमेश्वर पोलीस ठाणे गाठले.याप्रकरणी संगमेश्वर पोलिसांनी तातडीने पावले उचलत अज्ञात आरोपीविरुद्ध गुन्हा दाखल केला आहे.

रत्नागिरी मध्ये अनेक बँकेच्या नावावरती अज्ञात नंबर वरून येतात मेसेज…

रत्नागिरी जिल्ह्यामध्ये अनेक जणांना अज्ञात नंबर वरून बँकेचे मेसेज येत आहे. त्यामध्ये केवायसी करण्याच्या नावावरती ऑनलाइन लिंक पाठवली जाते. लिंक ओपन करतात ॲप डाऊनलोड होतं. आणि कोणत्याही ओटीपी शिवाय मोबाईलचा एक्सेस ऑनलाइन फसवणूक करणाऱ्या कडे जाते असे भरपूर अशा घटनेंमध्ये उघड झाले आहे. या प्रकारचे नवीन फसवणुकीचे प्रकरणे समोर येत आहेत. त्यामुळे नागरिकांनी सतर्क राहण्याची गरज असल्याचे सांगण्यात येत आहे. राजापूर संगमेश्वर रत्नागिरी मध्ये या प्रकारचे घटना घडल्याचे दिसून येत आहे. अनेक घटनांमध्ये ऑनलाइन फसवणूक करणाऱ्यांचे व्हाट्सअप नंबर मध्यप्रदेश उत्तर प्रदेश मध्ये असल्याचे दिसून येते.

पोलिसांनी कारवाई करून मुळापर्यंत जाण्याची गरजेचे…

रत्नागिरी जिल्ह्यामध्ये अनेक घटना घडत आहेत . ज्यांची ऑनलाईन नंबर अकाउंट से कनेक्ट आहेत त्यांची बँक खाते खाली होत असल्याचे दिसून येत आहे . सदर घटनेंना आळा बसण्यासाठी याच्या मुळापर्यंत शोध घेणे गरजेचे आहे. ऑनलाइन फसवणूक केलेले पैसे कोणत्या बँक खात्यामध्ये जात आहे. सदरची खाती कोणत्या खातेदाराच्या नावावर आहे. याचे पूर्ण माहिती घेणे गरजेचे आहे. मुळात पूर्ण तपास होत नसल्याने या घटना वारंवार घडत असल्याचे निदर्शनास येत आहे. अनेक वेळेला पोलिसांना माहिती मिळवण्यामध्ये विलंब होत आहे त्यामुळे सरकारनेही सदर माहिती लवकरात लवकर उपलब्ध करण्यासाठी कायद्यांमध्ये बदल करण्याची गरज आहे. ऑनलाइन फसवणुकी संदर्भामध्ये जनजागृती करणे गरजेचे असल्याचे दिसून येत आहे.

तिन्ही घटनांमध्ये साम्य, सायबर पोलीस रत्नागिरी यांच्या चौकशीकडे सगळ्यांचे लक्ष…

संगमेश्वर तालुक्यातील घडलेल्या घटना मध्ये साम्य दिसून येत आहे . या अनुषंगाने ऑनलाइन फसवणूक करणारे कोणत्या पद्धतीने फसवणूक केली आहे . याची चौकशी होणे फार गरजेचे आहे . संगमेश्वर शहर आणि माखजन येथील या तिन्ही घटनांमधील साम्य शोधून, तांत्रिक विश्लेषणाच्या आधारे या अदृश्य चोरांच्या मुसक्या लवकरात लवकर आवळणे हे आता अत्यंत गरजेचे बनले आहे.या सायबर गुन्ह्याचे गांभीर्य आणि व्याप्ती लक्षात घेऊन संगमेश्वर पोलीस ठाण्याचे पोलीस निरीक्षक गजेंद्र पालवे हे स्वतः या गुन्ह्याचा पुढील तपास अत्यंत गतीने करीत आहेत. तालुक्याला हादरवून सोडणाऱ्या या सायबर टोळीचा पर्दाफाश कधी होणार, याकडे आता सर्वांचे डोळे लागले आहेत. सदर घटनांचा वारंवार होत असल्याने सदर विषयांमध्ये विशेष कमिटी गठीत करून तपास फास्ट करावा अशी नागरिकांची मागणी आहे.