वाशिष्ठी डेअरीचे चेअरमन व राष्ट्रवादी शरद पवार गटाचे प्रदेश सरचिटणीस प्रशांत यादव यांच्याहस्ते उद्घाटन; विविध क्षेत्रातील मान्यवरांची उपस्थिती…
*मंडणगड-* मंडणगड तालुक्यातील शेनाळे येथे आज मे. वाशिष्ठी मिल्क ॲण्ड मिल्क प्रॉडक्ट्स प्रा. लि. च्या शॉपीचे आज वाशिष्ठी डेअरीचे चेअरमन तथा राष्ट्रवादी काँग्रेस पक्ष-शरदचंद्र पवार या पक्षाचे प्रदेश सरचिटणीस प्रशांत यादव यांच्याहस्ते फित कापून मान्यवरांच्या उपस्थितीत मोठ्या उत्साहात उद्घाटन झाले.
शेनाळे येथील शेतकरी निखिल दळवी यांनी ही शॉपी सुरू केली आहे. यावेळी त्यांच्या कुटुंबियांसह रत्नागिरी जिल्हा मध्यवर्ती सहकारी बँकेचे संचालक रमेश दळवी, शेनाळेचे सरपंच विश्वनाथ सावंत, शेनाळे गावचे अध्यक्ष व शिवसेनेचे शाखाप्रमुख शशिकांत बामणे, मंडणगड पॉलिटेक्निक कॉलेजचे चेअरमन अशोक दळवी, अँड. सुशील दळवी, माजी सैनिक दीपक दळवी, उद्योजक जयवंत दळवी, उद्योजक सुरेश दळवी, वाशिष्ठी डेअरीच्या कादिवली येथील शॉपीचे चालक नितीन पवार, राष्ट्रवादी युवकचे चिपळूण तालुका उपाध्यक्ष राहुल पवार यांच्यासह पंचक्रोशीतील शेतकरी व विविध क्षेत्रातील मान्यवर मोठ्या संख्येने उपस्थित होते.
यावेळी दळवी कुटुंबियांकडून प्रशांत यादव यांच्यासह इतर मान्यवरांचा यथोचित सन्मान करण्यात आला. शेनाळे येथे वाशिष्ठी डेअरीची शॉपी सुरू झाल्याने वाशिष्ठी डेअरीचे दर्जेदार पदार्थ येथे उपलब्ध झाले आहेत. त्यामुळे उपस्थितांनी प्रशांत यादव यांना धन्यवाद दिले. या शॉपीमध्ये वाशिष्ठी डेअरीच्या दुधासह दही, लस्सी, श्रीखंड, आम्रखंड, बासुंदी, तूप, ताक, फ्लेव्हर्ड मिल्क, पनीर, पेढा आणि खास गणेशोत्सवासाठी मोदकही विक्रीसाठी उपलब्ध करण्यात आले आहेत.
