कोकण रेल्वेत नोकरीची सुवर्णसंधी! कोणतीही परीक्षा नाही, थेट मुलाखत द्या आणि मिळवा नोकरी; आकर्षक वेतन आणि भत्ते..

भारतीय रेल्वेच्या सेवेत थेट सामील होण्याची इच्छा बाळगणाऱ्या महाराष्ट्रातील उमेदवारांसाठी एक सुवर्णसंधी उपलब्ध झाली आहे. कोकण रेल्वे कॉर्पोरेशन लिमिटेडने मेगा भरतीची घोषणा केली आहे. तांत्रिक पार्श्वभूमी असलेल्या आणि अभियांत्रिकी अभ्यासक्रमासाठी आवश्यक असणाऱ्या पदविका किंवा पदवी धारक उमेदवारांसाठी ही थेट ‘वॉक-इन इंटरव्ह्यू’द्वारे भरती राबवली जात आहे…

रत्नागिरी प्रतिनिधी- भारतीय रेल्वेमध्ये नोकरी करण्याची इच्छा असणाऱ्यांसाठी महत्त्वाची बातमी आहे. कोकण रेल्वेमध्ये विविध पदांसाठी भरती सुरू आहे. इच्छूक उमेदवार या भरतीत भाग घेऊ शकतात. ‘कोकण रेल्वे कॉर्पोरेशन लिमिटेड’ तांत्रिक क्षेत्रातील अनुभवी उमेदवारांसाठी नोकरीची मोठी संधी उपलब्ध करून दिली आहे. कोकण रेल्वेच्या ‘रोलिंग स्टॉक कंपोनंट फॅक्टरी, लोटे’ (ता. चिपळूण, जि. रत्नागिरी) या प्रकल्पासाठी विविध ११ तांत्रिक आणि सुरक्षा संवर्गातील एकूण ४० पदांसाठी ही भरती जाहीर करण्यात आली आहे.

विशेष म्हणजे, या पदांसाठी कोणतीही लेखी परीक्षा घेतली जाणार नसून, केवळ थेट ‘वॉक-इन इंटरव्ह्यू’ (थेट मुलाखत) याद्वारे उमेदवारांची निवड केली जाणार आहे. ही भरती सुरुवातीला एक वर्षाच्या निश्चित कालावधीसाठी कंत्राटी तत्त्वावर असेल, जी कामगिरी आणि गरजेनुसार पुढे वाढवली जाऊ शकते.

Konkan Railway Recruitment 2026 विविध पदे आणि जागांचा तपशील कोकण रेल्वेने प्रसिद्ध केलेल्या प्रसिद्धीपत्रकानुसार एकूण ४० पदांमध्ये खालीलप्रमाणे वर्गीकरण करण्यात आले आहे:

▪️सीएनसी मशीन ऑपरेटर: १० जागा..

▪️टेक्निशियन (फिटर): ०८ जागा
▪️फिटर – मेकॅट्रॉनिक्स मेंटेनन्स: ०६ जागा
▪️ईओटी / फोर्क लिफ्ट / टग ऑपरेटर: ०५ जागा
▪️ज्युनिअर टेक्निकल असिस्टंट (मॅन्युफॅक्चरिंग अँड मेंटेनन्स): ०२ जागा
▪️सिनियर टेक्निकल असिस्टंट (मेंटेनन्स): ०२ जागा
▪️नॉन-डिस्ट्रक्टिव टेस्टिंग टेक्निशियन: ०२ जागा
▪️टेक्निशियन (वेल्डर): ०२ जागा
▪️ज्युनिअर टेक्निकल असिस्टंट (सिव्हिल): ०१ जागा
▪️सिनियर टेक्निकल असिस्टंट (सिव्हिल): ०१ जागा
▪️सुरक्षा अधिकारी (सेफ्टी ऑफिसर): ०१ जागा

एकूण ४० जागांपैकी ३१ जागा खुल्या (UR), १ जागा ईडब्ल्यूएस (EWS), ६ जागा ओबीसी (OBC) आणि २ जागा अनुसूचित जाती (SC) प्रवर्गासाठी राखीव आहेत.

Konkan Railway Bharti 2026 Salary आकर्षक मानधन आणि भत्ते…

▪️निवड झालेल्या उमेदवारांना त्यांच्या पदानुसार आणि नियुक्तीच्या शहर वर्गीकरणानुसार (A, B, C क्लास) दरमहिना आकर्षक मानधन दिले जाईल.
सिनियर टेक्निकल असिस्टंट पदांसाठी ५०,०६० ते ५७,१४० रुपये प्रतिमहिना मानधन मिळेल.
ज्युनिअर टेक्निकल असिस्टंट आणि सेफ्टी ऑफिसर पदांसाठी ४१,३८० ते ४७,२२० रुपये प्रतिमहिना मानधन असेल.

▪️ऑपरेटर आणि टेक्निशियन प्रवर्गातील इतर सर्व पदांसाठी ३५,५०० ते ४०,५०० रुपये प्रतिमहिना एकत्रित मानधन दिले जाणार आहे.

▪️याशिवाय नवीन कामगार कायदा २०२६ नुसार विमा, ग्रॅच्युइटी आणि बोनस लागू राहील. तसेच अधिकृत प्रवासासाठी रेल्वे पास, दैनिक भत्ता (TA) आणि रजेची सुविधा देखील उपलब्ध करून दिली जाईल.

Konkan Railway Bharti Eligibility: पात्रता आणि वयोमर्यादा..

▪️विविध पदांसाठी संबंधित विषयात आयटीआय (ITI), इंजिनिअरिंग डिप्लोमा किंवा पदवी (Degree in Civil/Mechanical/Automobile/Mechatronics आदि) असणे आवश्यक आहे.

▪️यासोबतच उमेदवारांकडे किमान १ ते ३ वर्षांचा संबंधित क्षेत्रातील कामाचा अनुभव असणे अनिवार्य आहे.

▪️उमेदवाराचे वय १ जुलै २०२६ रोजी ४० वर्षांपेक्षा जास्त नसावे.

▪️केंद्रीय नियमांनुसार ओबीसी उमेदवारांना ३ वर्षे आणि एससी/एसटी उमेदवारांना ५ वर्षांची वयात सवलत दिली जाईल.

Konkan Railway Walk in Interview

मुलाखतीचे वेळापत्रक आणि ठिकाण..

इच्छुक आणि पात्र उमेदवारांनी सर्व मूळ कागदपत्रे, त्यांचे साक्षांकित छायाप्रत संच आणि दोन पासपोर्ट आकाराचे फोटो घेऊन ‘काजळी क्लब, आरआरएम ऑफिसजवळ, रत्नागिरी, महाराष्ट्र’ या पत्त्यावर सकाळी ०९:०० ते १२:०० या वेळेत नोंदणीसाठी हजर राहायचे आहे.

▪️२० जुलै २०२६: ज्युनिअर व सिनियर टेक्निकल असिस्टंट (मेंटेनन्स)
▪️२१ जुलै २०२६: सिव्हिल विभागातील असिस्टंट पदे
▪️२२ जुलै २०२६: ईओटी/फोर्क लिफ्ट ऑपरेटर आणि फिटर टेक्निशियन
▪️२३ जुलै २०२६: सीएनसी ऑपरेटर आणि नॉन-डिस्ट्रक्टिव टेस्टिंग टेक्निशियन
▪️२४ जुलै २०२६: मेकॅट्रॉनिक्स फिटर आणि वेल्डर
▪️२७ जुलै २०२६: सुरक्षा अधिकारी (सेफ्टी ऑफिसर)

Konkan Railway Job application link: अर्जाची लिंक…

उमेदवारांना अधिक सविस्तर माहिती आणि अर्जाचा नमुना कोकण रेल्वेच्या अधिकृत संकेतस्थळावर https://konkanrailway.com/ (Recruitment > Current Notifications) या लिंकवर उपलब्ध आहे. तांत्रिक क्षेत्रात रेल्वेसोबत काम करण्याची इच्छा असलेल्या तरुणांनी या संधीचा नक्की लाभ घ्यावा, असे आवाहन प्रशासनाने केले आहे.

🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥

🎤 जनशक्तीचा दबाव न्यूज..
➤ (RNI NO. MAHMAR/2014/59698)
➤ भारत सरकारमान्य रजिस्टर न्यूजपेपर