संगमेश्वर – प्रतिनिधी- तालुक्यातील मौजे असुर्डे
जाधववाडी येथील शाडु माती पासून गणपती बनविणारा कलावंत अमोल अनंत शिंदे.
यांच्या त्रिमूर्ती कला केंद्र याला २० वर्षे पूर्ण होऊन २१ व्या वर्षात पदार्पण केले आहे.
मागिल काळात वडील कै. अनंत महादेव शिंदे २५ वर्षे नावडी येथील कै. मनोहर तुकाराम शिवलकर यांच्या
कारखान्यात गणपती घडविण्याचे काम करीत असत. या काळात मुलगा अमोल हा गणपती बघायचा उत्सुकतेने शिवलकरांच्या कारखाण्यात जायचा व वडिलांची हाताची कलाकुसर पाहून मनमोहित व्हायचा. यातूनच अमोल याला गणपती काढण्याची आवड निर्माण झाली.
अमोलने 20 वर्षापूर्वी गणपती कारखाना सुरू करण्याची कल्पना आई अंजनी व वडील कै. अनंत यांना सांगीतली व त्यातूनच त्रिमूर्ती कला केंद्राचा उगम झाला सुरुवातील अमोल यांनी ३ गणपती – १ ते दिड फुटाचे काढले. व यातुनच आत्मविश्वास वाढला. आई अंजनी सध्या आजारी असुन तिची मनोभावे सेवा अमोल व त्यांची पत्नी सौ. अनुजा या करतात. सौ. अनुजा श्री. अमोल यांना गणपतीच्या कामात गेली अनेक वर्षे मदत करतात मुले औदूत व अजिंक्य हे देखील या कामात मदत करतात.
नावडी – पागआळी येथील लकी प्रसादे गेली १२ वर्षे कारखान्यात गणपतीच्या मूर्तीवर कलाकुसर करत आहे. सध्या कारखान्यात लालबाग चा राजा, फिनिक्स, दगडूशेठ, गरुडावर आरूढ असे विविध कलाकुसर व नक्षीकाम केलेले २३० गणपती आहेत. कुंभारखानी, कोंढे, डिंगणी, धामणी, लोवले, आदी दहा गावात गणपती वाजत गाजत घेऊन जातात एकूणच अमोल शिंदे व कुटुंबीय यांची कामावरची निष्ठा, कला मेहनत, चिकाटी जिद्द दिसून येते व कलेचा सुरेख संगम व रंगकामाची लगबग दिसून येते.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
