*दापोली | प्रतिनिधी-* महाराष्ट्राचे मुख्यमंत्री देवेंद्र फडणवीस यांच्या वाढदिवसानिमित्त भारतीय जनता पक्ष, दापोली यांच्या वतीने आयोजित करण्यात आलेल्या महारक्तदान शिबिराला नागरिकांचा उत्स्फूर्त प्रतिसाद लाभला. समाजाप्रती असलेली बांधिलकी जपत गरजू रुग्णांसाठी रक्ताचा साठा उपलब्ध व्हावा, या उदात्त उद्देशाने हा उपक्रम राबविण्यात आला.
राजकीय कार्यक्रमांपेक्षा समाजोपयोगी उपक्रमांना प्राधान्य देण्याची परंपरा कायम ठेवत आयोजित करण्यात आलेल्या या रक्तदान शिबिरात युवक, महिला, भाजपाचे पदाधिकारी, कार्यकर्ते तसेच विविध क्षेत्रातील नागरिकांनी मोठ्या संख्येने सहभाग घेत स्वेच्छेने रक्तदान केले.
रक्तदान हेच सर्वोत्तम दान असल्याचा संदेश देत या उपक्रमातून अनेक गरजू रुग्णांना जीवनदान मिळण्यास मदत होणार असल्याची भावना उपस्थितांनी व्यक्त केली.
या शिबिराच्या यशस्वी आयोजनासाठी दापोली भाजपाच्या सर्व पदाधिकारी, कार्यकर्ते आणि स्वयंसेवकांनी विशेष परिश्रम घेतले. रक्तदान करणाऱ्या प्रत्येक रक्तदात्याचा प्रमाणपत्र देऊन सन्मान करण्यात आला.
यावेळी दापोली भाजपाच्या तालुकाध्यक्ष जया साळवी यांनी सांगितले की,*“मुख्यमंत्री देवेंद्र फडणवीस यांच्या वाढदिवसानिमित्त समाजहिताचा संदेश देण्यासाठी महारक्तदान शिबिराचे आयोजन करण्यात आले. गरजू रुग्णांना जीवनदान देण्याच्या या कार्यात दापोली भाजपा सदैव अग्रस्थानी राहील.”*
समाजसेवा आणि मानवतेचा संदेश देणारा हा उपक्रम तालुक्यात सर्व स्तरांतून कौतुकास पात्र ठरत आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
