शिवप्रतिष्ठान हिंदुस्थान च्या या उपक्रमाच्या माध्यमातून नित्य पूजेत सहभागी व्हा, संगमेश्वर न्यूज परिवाराचे चे नागरिकांना आवाहन…
*संगमेश्वर/ सोमवार दि ३ ऑगस्ट-* संगमेश्वर मधील कसबा या शंभूराजांच्या पदस्पर्शाने पावन झालेल्या भूमीत त्यांचे स्मारक आहे. या स्मारकात राजांची नित्यपूजा करण्याचा संकल्प सुमारे तीन वर्षांपूर्वी श्री शिवप्रतिष्ठान हिंदुस्थान ने सोडला… धारकरी बांधवांचे उत्तम नियोजन आणि छत्रपती संभाजी राजांवरील श्रद्धा यामुळे हा योग जुळून आला… गेली तीन वर्ष या स्मारकात राजांची नित्यपूजा सुरु आहे. जिल्हाभरातील असंख्य बांधव या पूजेसाठी येत असतात.
दररोज सकाळी ८ वा ही पूजा पार पडते. यासाठी लागणारी हार व फुले श्री शिवप्रतिष्ठान हिंदुस्थान तर्फे या ठिकाणी दररोज ठेवली जातात. सर्व पूजा साहित्य तयार करून ठेवलेले असतें. तिथे जाऊन फक्त पूजा करणे बाकी असतें.
आज आमच्या संगमेश्वर न्यूज च्या टीम तर्फे ही पूजा करण्याचे भाग्य लाभले.
स्मारकातील छ संभाजी महाराजांच्या पुतळ्याकडे पहिल्यानंतर एका वेगळ्या ऊर्जेची आपल्याला जाणीव होते. शंभू राजांचा करारी, तेजस्वी चेहरा आपल्याला त्या काळात घेऊन जातो. इतिहासात घडलेल्या सर्व घटना आपल्या डोळ्यासमोर येतात.
साक्षात राजे तिथे आहेतच याची जाणीव होते… आपण एक वेगळ्या झोन मध्ये जातो. महाराजांचे पूजन करताना शंभु राजांचे औरंग्याने केलेले अनन्वित हाल आठवतात… एवढे हाल सोसून देखील स्वतःचा धर्म न सोडणारे छ संभाजी महाराज आपल्याला नवी ऊर्जा देतात… आपण भारावून जातों….हा क्षण अविस्मरणीय अनुभूती देतों.
माझी या निमित्ताने तमाम शिव शंभु भक्तांना विनंती आहे कीं एकदा तरी वेळात वेळ काढून शिवप्रतिष्ठान हिंदुस्थान च्या या उपक्रमाच्या माध्यमातून नित्य पूजेत सहभागी व्हा!! तुम्हालाही आमच्या प्रमाणेच अनुभव येईल हे खात्रीने सांगतो.
आज चिंतामणी (पपू) सप्रे, मिथुन लिंगायत, श्रीकृष्ण खातू गुरुजी, अक्षय गवंडी, श्री सप्रे आणि अथर्व प्र जाधव यांनी नित्यपूजेत सहभाग दर्शवला
*“शिवप्रतिष्ठान हिंदुस्थान ही आदरणीय संभाजी भिडे गुरुजींनी सुरु केलेली चळवळ आहे. राज्य भरातील लाखो तरुण या चळवळीत सहभागी होतं असतात. या पूजे बरोबरच राज्य भरात अनेक उपक्रम सुरु असतात. शिव प्रतिष्ठानने सुरु केलेला हा उपक्रम निश्चितच स्तुत्य आहे. त्यांच्या मुळेच आज एक वेगळा अनुभव घेता आला,धन्यवाद ! -समीर सप्रे
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
