देवरुख- सांगमेश्वर तालुक्यातील आंगवलीसारख्या दुर्गम आणि सह्याद्री खोऱ्यातील निसर्गरम्य ग्रामीण भागातून आपल्या स्वप्नांची उंच भरारी घेणाऱ्या अभिषेक अणेराव यांचे कार्य खरोखरच कौतुकास्पद आहे. सह्याद्री हाऊस होल्ड एसेनशीअल्स ब्रँड अंतर्गत तयार केलेले हँडवॉश उत्पादन हा त्यांच्या उद्योजकतेचा पहिला टप्पा आहे, पण यामुळे संपूर्ण सह्याद्री खोऱ्यात एक औद्योगिक क्रांतीची चाहूल लागली आहे.
अभिषेक यांनी हे सिद्ध केले आहे की, उद्योजकतेसाठी महानगर किंवा भव्य संसाधनांची गरज नाही, तर जिद्द, मेहनत आणि कल्पकता पुरेशी आहे. ग्रामीण भागात स्वतःची कंपनी सुरू करून त्यांनी गावातील तरुणांसाठी एक नवा मार्ग दाखवला आहे. सह्याद्री हँडवॉश गुलाब आणि चंदनाच्या सुगंधात उपलब्ध असून, त्याची पॅकेजिंग अतिशय आकर्षक आहे. हे उत्पादन न केवळ स्वच्छतेसाठी उपयुक्त आहे, तर स्थानिक स्तरावर रोजगार निर्मिती करण्यासाठीही एक महत्त्वाचा प्रयत्न ठरत आहे.
अभिषेक यांच्या या धाडसाला देवरुख आणि संपूर्ण तालुक्याने पाठिंबा दिला पाहिजे. स्थानिक व्यापाऱ्यांनी सह्याद्री हँडवॉश आपल्या दुकानांमध्ये विक्रीसाठी ठेवावे आणि ग्राहकांनी याचा अभिमानाने वापर करावा, असे आवाहन क्रांती व्यापारी संघटनेने केले आहे. ग्रामीण भागातील उत्पादनांना स्थानिक बाजारपेठेत प्रोत्साहन मिळाल्यास मोठ्या प्रमाणावर आर्थिक चक्र गतिमान होईल. आज घरातून सुरू झालेली ही कंपनी भविष्यात MIDC क्षेत्रात पोहोचेल आणि अनेकांना रोजगार मिळेल, हीच अभिषेक यांची धडपड आहे. इतिहासात असे अनेक दाखले आहेत जिथे उद्योजकांनी घराच्या अंगणातून प्रवास सुरू करून जागतिक स्तरावर यशस्वी उद्योग उभारले आहेत.
युवा पिढीसाठी प्रेरणा अभिषेक अणेराव यांचे कार्य तरुणांसाठी प्रेरणादायी आहे. गावात राहून यशस्वी होता येत नाही, या चुकीच्या समजाला त्यांनी खोडून काढले आहे. त्यांच्या जिद्दीने आजचा ग्रामीण तरुणही स्वतःचे स्वप्न साकार करू शकतो, हा विश्वास पेरला आहे. उद्योजकतेचा नवा अध्याय सुरूच राहील. अभिषेक यांना त्यांच्या या यशस्वी प्रवासासाठी मनःपूर्वक शुभेच्छा. सह्याद्री हँडवॉश तालुक्यातील प्रत्येक घराचा अभिमान बनेल, अशी आशा आहे. त्यांच्या या धडपडीमुळे संपूर्ण सह्याद्री खोऱ्यात औद्योगिक क्रांतीचे नवे पर्व सुरू होईल. ग्रामीण भागात अशा धाडसी उपक्रमांचे बीज रोवल्याबद्दल अभिषेक यांचे देवरुखमधील क्रांती व्यापारी संघटनेतर्फे अभिनंदन करण्यात आले आहे.
