🎯 स्थानिक भूमीपुत्रांच्या रोजगारासाठी चेंबूर मनसेचा पुढाकार

Spread the love

चेंबूर व गोवंडी मधील विकासाची वाढती गती पाहता संपूर्ण देशात स्वतःच्या उत्पादनाची स्वतंत्र ओळख असणाऱ्या डुक्स कंपनीच्या जागेवर मुंबई उपनगरातील सर्वात मोठी ” डी मार्टची ” शाखा सुरू करण्यात आली आहे.सायन ट्रॉम्बे महामार्ग नजिक असणाऱ्या जागेवर आजूबाजूची प्रतिकूल परिस्थिती पाहता सदरचा व्यवसाय जोमाने उभा राहू शकतो.

नव्याने सुरू होणाऱ्या आस्थापणेत स्थानिक मराठी तरुणांना प्रथम प्राधान्य मिळावे यासाठी चेंबूरमधील महाराष्ट्र नवनिर्माण सेनेचे व अंगीकृत संघटनेचे पदाधिकारी व कार्यकर्ते यांनी “डी मार्ट” चे व्यवस्थापक श्री.सुधीर साळुंखे यांच्याशी चर्चा करण्यात आली आणि ती चर्चा यशस्वी झाली असे महाराष्ट्र नवनिर्माण वाहतूक सेनेचे श्री. माऊली थोरवे, उपविभाग अध्यक्ष श्री.अविनाश पांचाळ व स्थानिक शाखाध्यक्ष श्री.रोहिदास जाधव यांनी सांगितले.

सदरच्या वेळी महाराष्ट्र नवनिर्माण विद्यार्थी सेनेचे मुन्नावर शेख , महिला विभाग अध्यक्षा विनाताई उकरंडे, उप विभाग अध्यक्षा सौ.सविताताई खैरे, वाहतूक सेनेचे श्री.अनिल साळवी, शाखाध्यक्ष दत्ता पटकरे, महिला शाखाध्यक्षा उषाताई राऊत, मनसे रोजगार व स्वयंरोजगार चे विभागअध्यक्ष श्री.विवेक जागॄष्टे, मनविसे विभाग सचिव मुकुंद पांचाळ, उप-शाखाध्यक्ष श्री. महेश सडविलकर , विकी पाटिल तसेच पुरुष व महिला मनसे कार्यकर्ते उपस्थित होते