राजापूर : राजापूर तालुक्यातील गोवळ गावात वहाळात आढळून आलेल्या व वनविभागाने तब्बल 24 तासापेक्षा अधिक काळ रेस्क्यु ऑपरेशन करून पिंजऱ्यात जेरबंद केलेल्या त्या बिबटयाचा अखेर मृत्यु झाला आहे.गेले कित्येक दिवस त्याला काही खायला न मिळाल्याने पुर्णपणे अशक्त झालेल्या या बिबटयाचा उपासमारीमुळे मृत्यु झाल्याचे लांजा पशुवैद्यिकय अधिकाऱ्यांनी आपल्या शवविच्छेन अहवालात नमुद केले आहे. सुमारे दिड वर्षे वयाची ही बिबटयाची मादी होती. तशी माहिती वनविभागाच्या वतीने देण्यात आली आहे.
