दिवसभर भजनसेवेचा भक्तिमय सोहळा; रात्री मुंबई विरुद्ध कुडाळ डबल बारी भजनाचा जंगी सामना…
आयोजक अंब्रे बंधू यांच्या वतीने भाविकांना उपस्थित राहण्याचे आवाहन..
संगमेश्वर (प्रतिनिधी) : श्री निनावी देवी प्रसादिक मंडळ, संगमेश्वर यांच्या वतीने सोमवार, दि. १२ ऑक्टोबर २०२६ रोजी श्री निनावी देवी मंदिर, संगमेश्वर येथे नवरात्रोत्सवानिमित्त हरिनाम सप्ताह आणि भव्य भजनसेवा कार्यक्रमाचे आयोजन करण्यात आले आहे. दिवसभर विविध भजन मंडळे आणि नामवंत भजन कलाकारांच्या सेवेमुळे मंदिर परिसर भक्तिरसात न्हाऊन निघणार असून, रात्री मुंबई विरुद्ध कुडाळ असा डबल बारी भजनाचा जंगी सामना रंगणार आहे.
सकाळपासून रात्रीपर्यंत भजनसेवेची पर्वणी…
▪️कार्यक्रमाची सुरुवात सकाळी ८ ते ११ या वेळेत अंब्रे बंधू यांच्या भजनसेवेने होणार आहे. त्यानंतर
▪️सकाळी ११ ते दुपारी १ या वेळेत श्री. प्रभाकर भिडे (मामळे) आणि श्री. जनार्दन पवार (ओशरखोल) यांची भजनसेवा होईल.
▪️दुपारी १ ते २.३० या वेळेत सुप्रसिद्ध महिला भजन कलावंत श्रीमती सुखदा शिंदे (लोवले) आणि बालकलाकार कुमारी परिणीती बोडवलकर (निढळेवाडी) यांची अभंगसेवा आयोजित करण्यात आली आहे.
▪️दुपारी २.३० ते ४ या वेळेत श्री ज्ञानेश्वरी वारकरी भजन मंडळ, कडवई तसेच बुवा सौ. रोहिणी यादव आणि सहकारी यांची भजनसेवा होणार आहे.
▪️सायंकाळी ४ ते ५ या वेळेत अंब्रे बंधू, तर सायंकाळी ५ ते ६ या वेळेत बालगोपाळ भजन मंडळ, संगमेश्वर आपली सेवा सादर करणार आहे.
▪️सायंकाळी ६ ते ७ या वेळेत सिद्धकला महिला भजन मंडळ, संगमेश्वर यांचा कार्यक्रम होईल. त्यानंतर सायंकाळी ७ ते ८.३० या वेळेत श्री विठ्ठल रखुमाई भजन मंडळ, मामळे भिडेवाडी,
▪️रात्री ८.३० ते १० या वेळेत श्री राधाकृष्ण सेवा मंडळ, कोंड असुर्डे यांची भजनसेवा होणार आहे.
▪️रात्री १० ते ११.३० या वेळेत आरती व भोवतीचा कार्यक्रम होईल.
➡️रात्री ११.३० वाजता डबल बारी भजनाचा जंगी सामना..
या सोहळ्याचे प्रमुख आकर्षण म्हणजे रात्री ११.३० वाजल्यानंतर रंगणारा मुंबई विरुद्ध कुडाळ डबल बारी भजनाचा सामना!
मुंबईकडून परळ येथील सुप्रसिद्ध बुवा श्री. दुर्वास गरव, तर कुडाळकडून सुप्रसिद्ध बुवा श्री. गुंडू सावंत आपली भजनकला सादर करणार आहेत. या दोन्ही बाजूंच्या भजनसामन्यामुळे भजनरसिकांना दर्जेदार गायन, भक्तिगीते आणि पारंपरिक भजनकलेचा आनंद अनुभवता येणार आहे.
भाविकांना उपस्थित राहण्याचे आवाहन..
श्री निनावी देवी मंदिरातील या धार्मिक सोहळ्याच्या माध्यमातून भक्ती, परंपरा आणि सांस्कृतिक वारसा जपण्याचा प्रयत्न करण्यात येत आहे. दिवसभर चालणारी भजनसेवा आणि रात्रीचा डबल बारी सामना हे कार्यक्रमाचे विशेष आकर्षण ठरणार आहेत.
या कार्यक्रमाला परिसरातील भाविक, भजनप्रेमी आणि नागरिकांनी मोठ्या संख्येने उपस्थित राहून दर्शनाचा तसेच भजनसेवेचा लाभ घ्यावा, असे आवाहन आयोजक श्री निनावी देवी प्रसादिक मंडळ, संगमेश्वर आणि आयोजक अंब्रे बंधू यांच्या वतीने करण्यात आले आहे.
कार्यक्रमाचे ठिकाण : श्री निनावी देवी मंदिर, संगमेश्वर
दिनांक : सोमवार, १२ ऑक्टोबर २०२६
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
🎤 जनशक्तीचा दबाव न्यूज..
➤ (RNI NO. MAHMAR/2014/59698)
➤ भारत सरकारमान्य रजिस्टर न्यूजपेपर
