संगमेश्वर/विशेष प्रतिनिधी- श्रावण मासानिमित्त रत्नागिरी येथील श्रीराम मंदिरात 24 ऑगस्ट ते 26 ऑगस्ट या तीन दिवसांमध्ये संपन्न झालेल्या झिम्मा फुगडी व उखाणा स्पर्धेमध्ये शहरी विभागातून संगमेश्वर नावडीच्या अमृता ग्रुपने प्रथम क्रमांक पटकावलेला आहे.
जिल्हास्तरीय झालेल्या या स्पर्धेमध्ये संगमेश्वरच्या या महिलांनी शहरी विभागातल्या सर्व महिला ग्रुपला मागे टाकत प्रथम क्रमांकावर आपलं नाव कोरलेले आहे
त्यासाठी त्यांनी घेतलेली मेहनत, त्यांची जिद्द आणि कलेवरच प्रेम यामुळे त्यांना हे यश प्राप्त झालेलं आहे.
संगमेश्वरच्या नावडी अमृता ग्रुप मधील सहभागी महिला सौ सविता हळदकर, जानवी चिंचकर,अर्पिता शेरे,पायल नागवेकर,सानिका कदम, सुप्रिया कदम, अमृता कोकाटे, आर्या मयेकर,आर्या कोकाटे, गायत्री मयेकर, गार्गी शिंदे, खुशी गुळेकर, आयेशा मयेकर राघव लींगायत या सर्वांनी मिळून अतिशय उत्तम सादरीकरण केलं.
तीन दिवस झालेल्या या स्पर्धेमध्ये अनेक ग्रुप सहभागी झाले होते.त्यामध्ये गायन वादन आणि सादरीकरण या सर्वाचा सुंदर संगम या ग्रुपने सादर केल्यामुळे त्यांचा प्रथम क्रमांक आला. या ग्रुपने 15 मिनिटाच्या सादरीकरणांमध्ये विविध प्रकारच्या फुगड्या, विविध प्रकारचे झिम्मे असे मिळून जवळपास 60 प्रकार सादर केले.
गायिका आर्या कोकाटे आणि वादक राघव लींगायत आणि खुशी गुळेकर यांचीही यांना उत्तम साथ लाभली.
आपल्या महाराष्ट्रातील श्रावण महिन्यातील कला आणि संस्कृती यांचे जतन करण्याचे महत्त्वाचे कार्य या महिला करीत असून रत्नागिरीला जाऊन प्रथम क्रमांक प्राप्त केल्याबद्दल सर्व संगमेश्वर वासियांकडून त्यांचे कौतुक होत आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
