रत्नागिरी : राज्याचे महसूल मंत्री चंद्रशेखर बावनकुळे यांच्या रत्नागिरी दौऱ्यादरम्यान जाकादेवी-खालगाव परिसरात शिवसेना (उद्धव बाळासाहेब ठाकरे) पक्षाला धक्का बसला आहे. खालगावचे उपसरपंच कैलास दत्ताराम खेडेकर आणि शाखाप्रमुख वैभव प्रकाश गोताड यांनी रविवारी महसूल मंत्री बावनकुळे यांच्या प्रमुख उपस्थितीत भारतीय जनता पक्षात प्रवेश केला.
जाकादेवी-खालगाव येथे आयोजित कार्यक्रमात हा पक्षप्रवेश पार पडला. यावेळी भाजपच्या पदाधिकाऱ्यांनी खेडेकर आणि गोताड यांचे पक्षात स्वागत केले. स्थानिक स्वराज्य संस्थांच्या पार्श्वभूमीवर दोन स्थानिक पदाधिकाऱ्यांनी भाजपमध्ये प्रवेश केल्याने जाकादेवी-खालगाव परिसरातील राजकीय वर्तुळात या पक्षप्रवेशाची चर्चा सुरू झाली आहे.
या प्रसंगी भाजपचे दक्षिण रत्नागिरी जिल्हाध्यक्ष प्रशांत यादव, रत्नागिरी तालुकाध्यक्ष प्रतिक देसाई, कृषी उत्पन्न बाजार समितीचे सभापती संदीप सुर्वे, सरचिटणीस संकेत कदम, राकेश नंदकुमार खेऊर, ऋषिकेश (बंटी) सुर्वे, रोहित कोळवणकर, अनंत खापले, गौरव पटेल यांच्यासह भाजपचे अन्य पदाधिकारी व कार्यकर्ते उपस्थित होते.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
🎤 जनशक्तीचा दबाव न्यूज..
➤ (RNI NO. MAHMAR/2014/59698)
➤ भारत सरकारमान्य रजिस्टर न्यूजपेपर
