पोलीसाच्या या मुजोरीविरूध्द संतापाची लाट; पोलीसावर कारवाई?
*मुंबई-* तुमचे आयुष्य उद्ध्वस्त करेन, खिशात ५० ग्रॅम पावडर टाकून खोट्या केसमध्ये अडकवेन, अशी उघड धमकी एका आंदोलक विद्यार्थ्याला देणाऱ्या मुंबई पोलीसाचा व्हिडिओ सोशल मीडियावर प्रचंड व्हायरल झाला आहे. या धक्कादायक प्रकारामुळे पोलीस प्रशासनाच्या कारभारावर तीव्र संताप व्यक्त केला जात आहे. या प्रकरणाचे गांभीर्य लक्षात घेत मुंबई पोलीसांनी या पोलीसाविरोधात वरिष्ठ अधिकाऱ्यांमार्फत चौकशीचे आदेश दिले आहेत. तर या पोलीसावर कारवाई करण्यात आल्याचे मुख्यमंत्री देवेंद्र फडणवीस यांनी प्रसारमाध्यमांशी बोलताना म्हटले आहे.
नीट पेपरफुटीविरोधात देशात संतापाची लाट उसळली असून केंद्रीय शिक्षणमंत्री धर्मेंद्र प्रधान यांच्या राजीनाम्याची मागणी विद्यार्थी करताना दिसत आहेत. दरम्यान, या मागणीवरून आता मुंबईतही विविध ठिकाणी विद्यार्थ्यांनी तीव्र आंदोलने छेडली आहेत. अशातच मुंबई पोलिसांचा एक व्हिडिओ आता वादाचे कारण ठरला आहे. या व्हिडिओत दोन मुलं पोलीसांच्या गाडीत बसली आहेत. त्यात समोरच्या सीटवर बसलेला पोलीस या मुलांना धमकावतो आहे, “परत इथे दिसलास तर याद राख, माझ्यासारखा वाईट माणूस कुणी नाही. मी थेट ५० ग्रॅम पावडर ठेवून देईन खिशात.
आयुष्य तुरुंगात जाईल तुमचं. जामीन मिळणार नाही. तुमच्यामुळे आम्हाला त्रास होतो आहे. परत इथे आलात तर याद राखा.” असं हा पोलीस म्हणताना दिसत आहे. दरम्यान, पोलीस कर्मचाऱ्याने आंदोलक विद्यार्थ्यांना थेट खोट्या गुन्ह्यात अडकवण्याची धमकी दिल्याचं या व्हिडिओत दिसत असल्याने पोलीसांच्या कारभाराबाबत संताप व्यक्त केला जात आहे. या व्हिडिओचा उल्लेख करत मनसे अध्यक्ष राज ठाकरे म्हणाले की, पोलीस त्या मुलांना धमकी देतात की खिशात ५० ग्रॅम पावडर टाकेन. म्हणजे पोलिसांकडे आता पावडर (ड्रग्ज) पण मिळायला लागली आहे का? पोलीस ड्रग्जचे एजंट किंवा ड्रग्ज सप्लायर आहेत का? असा सवाल राज ठाकरेंनी केला आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
