देवरूख- रत्नागिरी तायक्वांदो स्पोर्ट्स असोसिएशनच्या मान्यतेने व संगमेश्वर तालुका तायक्वांदो ॲकॅडमी व नगरपंचायत देवरुख तायक्वांदो क्लबच्या संयुक्त विद्यमाने देवरूख येथे आयोजित केलेल्या जिल्हास्तरीय तायक्वांदो स्पर्धेचे उद्घाटन माजी राज्यमंत्री रविंद्र माने व आमदार शेखर निकम यांच्याहस्ते नुकतेच करण्यात आले.
शहरातील स्वातंत्र्यवीर सावरकर चौक येथील ओमेगा गार्डन हाँल येथे ही स्पर्धा तीन दिवस चालणार आहे. या स्पर्धेत जिल्ह्यातून सुमारे ६०० खेळाडू सहभागी होणार आहेत. उद्घाटनप्रसंगी बोलताना आमदार शेखर निकम म्हणाले कि, कोणताही खेळ हा आपले शरीर तंदुरुस्त ठेवण्यासाठी एकप्रकारे मदत करत असतो. खेळामुळे आपल्या शरीराचा एकप्रकारे व्यायाम होतो. तायक्वांदो खेळही असाच आहे. या खेळामुळे आपले शरीर तर तंदुरुस्त राहतेच शिवाय आपण या खेळामुळे आपले स्वतःचे संरक्षण करू शकतो. या खेळासाठी जे जे लागेल ते करण्याचा आपण प्रामाणिक प्रयत्न करणार असून या खेळाच्या पाठीशी आपण ठमपणे उभे राहणार असल्याचे सांगून भविष्यात राज्यस्तरीय तायक्वांदो स्पर्धा व्हावी अशी आपली इच्छा असून त्यासाठी आपण सर्वांनी मिळून प्रयत्न करूया, असे आ. निकम यांनी म्हटले.
माजी राज्यमंत्री रविंद्र माने म्हणाले का, खेळ खेळताना खिलाडूवृत्ती महत्वाची असते. तायक्वाँदो खेळामुळे आपण स्वसंरक्षण करू शकतो. असे सांगितले. उपसभापती प्रफुल्ल बाईत यांनीही मनोगत व्यक्त करताना तायक्वाँदो खेळाचे तालुक्यात नाव असून प्रमुख प्रशिक्षक शशांक घडशी हे यासाठी प्रचंड मेहनत घेत असल्याचे नमूद केले. या उद्घाटनप्रसंगी माजी जि. प. अध्यक्ष रोहन बने, सभापती सौ. शर्वरी वेल्ये, उपसभापती प्रफुल्ल बाईत, देवरूखच्या नगराध्यक्षा सौ. मृणाल शेट्ये, देवरूख आगारव्यवस्थापिका सौ. रेश्मा मधाळे, स्मिता लाड, अभिजित शेट्ये, प्रफुल्ल भुवड, बाळू ढवळे, रूपाली कदम, व्यंकटेश कररा, तायक्वांदोचे तालुका प्रमुख प्रशिक्षक शशांक घडशी आदींसह तायक्वांदो प्रेमी, खेळाडू उपस्थित होते.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
