गुहागर : शहरातील कीर्तनवाडी येथील एका तरुणावर कोयत्याने वार करून पलायन केलेल्या संशयित आरोपीला पोलिसांनी काही तासांतच अटक केली.
पोलिसांनी दिलेल्या माहितीनुसार, संदीप गिजे (वय ४४, गुहागर शहर) असे या संशयित आरोपीचे नाव आहे. गुहागर येथील गणपती कारखानदार मंगेश माटल (४५) यांच्यावर एका तरुणाने कोयत्याने वार केल्याची घटना सोमवारी सायंकाळी ४ वाजता घडली होती. हल्ला करून हा संशयित फरार झाला होता. हल्लेखोराचा शोध पोलीस घेत होते. हल्लेखोर तरुणाने मंगेश माटल यांच्यावर कीर्तनवाडी येथील घरी जाऊन कोयत्याने वार केले होते. यात माटल यांचा चेहरा, मान, डोके आणि हातावर गंभीर दुखापत झाली आहे.
माटल यांच्यावर गुहागर ग्रामीण रुग्णालय येथे प्राथमिक उपचार केल्यानंतर त्याला अधिक उपचारासाठी तातडीने रत्नागिरी सरकारी रुग्णालयात दाखल करण्यात आले. दरम्यान, पोलीस निरीक्षक सचिन सावंत यांनी व त्यांच्या सहकाऱ्यांनी काही तासांतच या हल्लेखोराचा शोध घेऊन त्याला अटक केली.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
