“निरोगी जीवन जगायचे असेल तर ‘यो’ अत्यावश्यक” ,*श्री. विजय पोटफोडे यांचे प्रतिपादन…

Spread the love

मंडणगड – (प्रतिनिधी): येथील सावित्रीबाई फुले शिक्षण प्रसारक मंडळाच्या लोकनेते गोपीनाथजी मुंडे कला, वाणिज्य व विज्ञान महाविद्यालयात राष्ट्रीय सेवा योजना विभागाच्या वतीने व मंडणगड तालुका भाजपा यांच्या सहकार्याने ‘आंतरराष्ट्रीय योग दिन’ उत्साहात साजरा करण्यात आला. कार्यक्रमास मंडणगड जेष्ठ नागरिक संघाचे अध्यक्ष श्री.विजय पोटफोडे हे मार्गदर्शक म्हणून उपस्थित होते तर कार्यक्रमाच्या अध्यक्षस्थानी महाविद्यालयाचे प्रभारी प्राचार्य डॉ. वाल्मिक परहर होते. यावेळी संस्थेचे कोषाध्यक्ष श्री. रविंद्रकुमार मिश्रा, उपप्राचार्य डॉ. विष्णु जायभाये, महाविद्यालयाचे हितचिंतक डॉ. प्रभाकर पेंडसे, मंडणगड तालुका भाजपाचे अध्यक्ष श्री. दत्ता महाडीक, शहरअध्यक्ष श्री. आनंद नारकर, तालुका सरचिटणीस अॅड. सुशील दळवी, एन.एस.एस. कार्यक्राधिकारी प्रा. संदीप निर्वाण, डॉ. महेश कुलकर्णी, डॉ. अशोक साळुंखे, डॉ. भरतकुमार सोलापुरे, डॉ.संगीता घाडगे आदी मान्यवर उपस्थित होते.

सुरुवातीला उपस्थित मान्यवरांचे स्वागत महाविद्यालयाचे प्रभारी प्राचार्य डॉ. वाल्मिक परहर यांच्या हस्ते करण्यात आले. तत्पूर्वी कार्यक्रमाधिकारी प्रा. संदीप निर्वाण यांनी प्रास्ताविक करुन कार्यक्रमाचा उद्देश सांगताना जागतिक योगदिनाचे महत्त्व विशद केले. त्यानंतर श्री. दत्ताराम भारदे यांनी सूर्यनमस्कारांचे प्रात्यक्षिक करुन दाखवले.

यावेळी श्री.विजय पोटफोडे यांनी सांगितले की, निरोगी जीवन जगायचे असेल तर ‘योग’ अत्यावश्यक असून आजच्या धकाधकीच्या जीवनात आपले शारिरिक व मानसिक आरोग्य सृदृढ राखण्यासाठी योगसाधना महत्वाची आहे. आज व्यायामाच्या अभावामुळे शारीरिक हालचाली कमी झाल्या आहेत. बाजारामध्ये उपलब्ध होणा-या विविध भेसळयुक्त खाद्यपदार्थ, भाजीपाला व फळांवरील रासायनिक प्रक्रिया याचे आरोग्यावर विपरित परिणाम होत आहेत ही चिंतनीय बाब असून त्यावर उपाय म्हणून आपण योग्य व पोषक आहार सोबत नियमित व्यायाम यांची सांगड घालणे गरजेचे आहे. यावेळी त्यांनी मानसिक आरोग्यासाठी उपयोगी ठरणारे प्राणायाम, सोपी योगासने व विविध व्यायाम प्रकार प्रात्यक्षिकासह समजावून सांगितले.

अध्यक्षीय समारोप करताना प्रभारी प्राचार्य डॉ. वाल्मिक परहर यांनी केवळ एका दिवसापुरता योगदिवस साजरा न करता नियमितपणे योग केल्यास शारिरीक व मानसिक आरोग्यासाठी फायदेशिर ठरते असे सांगितले.

कार्यक्रमास शिक्षक-शिक्षकेतर कर्मचारी, मंडणगडमधील ग्रामस्थ व विद्यार्थी वर्ग उपस्थित होता. कार्यक्रमाचे सुत्रसंचालन प्रा. संदीप निर्वाण यांनी तरी शेवटी डॉ. महेश कुलकर्णी यांनी मानले.