मंडणगड : तायक्वांडो असोसिएशन केवळ खेळाचे प्रशिक्षण देत नसून स्वसंरक्षण, संस्कार, देऊन मनोधैर्य वाढवून एक आदर्श पिढी घडवत आहे आणि यातून आदर्श समाज निर्मितीस चालना मिळून राष्ट्रहिताचे कार्य करत असल्याचे प्रतिपादन जिल्हा परिषद अध्यक्षा सौ अस्मिता ताई केंद्रे यांनी राष्ट्रीय तायक्वांदो पंच परीक्षा व पंच शिबिराच्या उद्घाटन प्रसंगी केले.
तायक्वांडो फेडरेशन ऑफ इंडियाच्या मान्यतेने तायक्वांडो असोसिएशन ऑफ महाराष्ट्र, आणि रत्नागिरी जिल्ह्या तायक्वांडो स्पोर्टस असोसिएशन यांच्या विद्यमाने तायक्वांडो फेडरेशन ऑफ इंडियाचे सचिव व महाराष्ट्र संघटनेचे महासचिव श्री. मिलिंद पठारे, अप्पर जिल्हाधिकारी सिंधुदुर्ग शुभांगी साठे, जिल्हा क्रीडा अधिकारी विजय शिंदे, कोषाध्यक्ष श्री. व्यंकटेशराव कररा, सेवन डॅन ब्लॅक बेल्ट व आंतरराष्ट्रीय पंच श्री. सुभाष पाटील, संचालक अजित घार्गे,जिल्हा संघटनेचे सचिव फाईव्ह डॅन ब्लॅक बेल्ट लक्ष्मण कररा, उपाध्यक्ष थ्री डॅन ब्लॅक बेल्ट विश्वदास लोखंडे, कोषाध्यक्ष शशांक घडशी, ,अनंत केंद्रे , सौ काजल लोखंडे, यांच्या प्रमुख उपस्थितीत ब्लॅक बेल्ट, पंच परीक्षा व प्रशिक्षण शिबिराचे आयोजन छत्रपती शिवाजी महाराज क्रीडा संकुल रत्नागिरी येथे करण्यात आले होते. कार्यक्रमाच्या उद्घाटक म्हणून जिल्हा परिषद अध्यक्षा सौ. अस्मिता केंद्रे बोलत होत्या. त्या पुढे म्हणाल्या की देशात अनेक ठिकाणी महिलांवर अत्याचार होत असतात आणि ही प्रवृत्ती संपवण्यासाठी स्त्रिया सक्षम व्हाव्यात यासाठी स्त्रियांना स्वसंरक्षण प्रशिक्षण शासन स्तरावरून दिले जात आहे आणि याचाच एक भाग म्हणून जिल्हा परिषद महिला व बालकल्याण विभागातर्फे देखील हा उपक्रम राबवला जात आहे आणि यामध्ये तायक्वांडो असोसिएशनचे योगदान महत्त्वपूर्ण आहे. येथे परीक्षा देणारे व शिबिरात सहभागी होणारे अनेक आंतरराष्ट्रीय दर्जाचे खेळाडू आहेत आणि आदर्श पिढी घडवण्याचे हे प्रशिक्षक काम करत आहेत त्यांच्या या महान कार्याचे अभिनंदन व सलाम असे त्या यावेळी म्हणाल्या.
कार्यक्रमाचे आयोजन व परीक्षा यशस्वी करण्यासाठी, मुख्य परीक्षक सुभाष पाटील यांच्या मार्गदर्शनाखाली अमोल तोडणकर, विठ्ठल शेडगे, अनिल म्हात्रे, रत्नागिरी येथील प्रशिक्षण राम कररा, शाहरुख शेख, प्रशांत मकवाना, मिलिंद भागवत अमित जाधव यांनी विशेष सहकार्य केले.
रत्नागिरी येथे आयोजित करण्यात आलेल्या तायक्वांडो पंच परीक्षा व प्रशिक्षण शिबिराचे उद्घाटन कार्यक्रमात बोलताना जि प उपाध्यक्षा सौ अस्मिता केंद्रे, सोबत श्री मिलिंद पठारे, श्री. व्यंकटेशराव कररा श्री. सुभाष पाटील, अजित घार्गे, विश्वदास लोखंडे, लक्ष्मण कररा, अनंत केंद्रे, राम कररा, सौ .काजल लोखंडे, शाहरुख शेख, मिलिंद भागवत आदी दिसत आहेत.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
