*संगमेश्वर/नियाज खान-* चिपळूण शहरातील डॉ. बाबासाहेब आंबेडकर चौक येथे २५ मार्च रोजी एका पत्रकारावर झालेल्या भ्याड हल्ल्याच्या घटनेने जिल्हाभरात संतापाची लाट उसळली आहे. या घटनेमुळे पत्रकारांच्या सुरक्षेचा आणि कायदा व सुव्यवस्थेचा प्रश्न ऐरणीवर आला असून सर्व स्तरातून या घटनेचा तीव्र निषेध केला जात आहे.
या गंभीर प्रकरणाची दखल घेत संगमेश्वर तालुका पत्रकार संघाच्या वतीने संगमेश्वर पोलीस ठाण्यात पोलीस निरीक्षक श्री. चव्हाण साहेब आणि रत्नागिरी जिल्हा पोलीस उपविभागीय अधिकारी श्री. माईणकर साहेब यांना निवेदन देण्यात आले. या निवेदनाद्वारे हल्लेखोरांवर कडक कारवाई करण्याची मागणी करण्यात आली आहे.
यावेळी संगमेश्वर तालुका पत्रकार संघाचे अध्यक्ष मुजीब खान, उपाध्यक्ष वहाब दळवी, पत्रकार धनाजी भांगे, सचिन पाटोळे, नियाज खान आणि दीपक तुळसणकर उपस्थित होते. लोकशाहीचा चौथा स्तंभ असलेल्या पत्रकारांवर होणारे असे हल्ले निंदनीय असून प्रशासनाने अशा प्रवृत्तींना आळा घालावा, अशी भावना यावेळी व्यक्त करण्यात आली.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
