*संगमेश्वर:* एकात्मिक बाल विकास सेवा योजना प्रकल्प (देवरुख), फुणगुस बीट अंतर्गत कोंडअसुर्डे येथील अंगणवाडीमध्ये माजी सैनिक पाल्य श्री. दिनेश हरीभाऊ अंब्रे यांच्या वतीने बालकांना खाऊ वाटप करण्यात आले. सोमवार, २३ मार्च रोजी सकाळी १० वाजता हा कार्यक्रम उत्साहात पार पडला.
खाऊ वाटपानंतर श्री. अंब्रे यांनी अंगणवाडीतील बालकांनी तयार केलेल्या परसबागेची पाहणी केली. या बागेत टोमॅटो, कोबी, फ्लॉवर, वांगी आणि मिरची अशा विविध पालेभाज्यांची लागवड करण्यात आली आहे. बालकांच्याi या कल्पक उपक्रमाचे आणि मेहनतीचे पत्रकार तसेच ‘कायदा साथी’ दिनेश अंब्रे यांनी विशेष कौतुक केले.
याप्रसंगी श्री. अंब्रे यांनी अंगणवाडी सेविका सुजाता शिंदे आणि मदतनीस सुनीता शिंदे यांच्या कार्याची प्रशंसा करत त्यांना गुलाबपुष्प देऊन सन्मानित केले. तत्पूर्वी, सेविका सुजाता शिंदे यांनी श्री. दिनेश अंब्रे, ग्रामपंचायत कर्मचारी एकता संसारे आणि आरोग्य मदतनीस निशिगंधा देवळेकर यांचे स्वागत केले. शेवटी, मदतनीस सुनीता शिंदे यांनी श्री. अंब्रे यांच्या सामाजिक उपक्रमाबद्दल त्यांचे आभार मानले.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
