संगमेश्वर (प्रतिनिधी, दिनेश अंब्रे): समाजाप्रती आपले काही देणे लागते, याच भावनेतून संगमेश्वर तालुक्यातील कोंड असुर्डे येथील अंगणवाडीमध्ये फळवाटप आणि खाऊवाटपाचा एक स्तुत्य उपक्रम उत्साहात पार पडला. एकात्मिक बालविकास सेवा योजना (देवरुख) अंतर्गत फुणगुस बीटमध्ये येणाऱ्या या अंगणवाडीत संगमेश्वर येथील प्रतिष्ठित ‘गणेश फरसाण मार्ट’ आणि ‘रहाटे बंधू’ यांच्या सौजन्याने हा कार्यक्रम आयोजित करण्यात आला होता.
या छोटेखानी परंतु प्रसन्न कार्यक्रमाच्या सुरुवातीला अंगणवाडी सेविका सौ. सुजाता संजय शिंदे व मदतनीस सुनिता शिंदे यांनी उपस्थित पाहुण्यांचे स्वागत केले. सामाजिक कार्यकर्ते दिनेश अंब्रे आणि मान्यवर प्रदीप किशोर बिर्जे यांना गुलाबपुष्प देऊन सन्मानित करण्यात आले. यावेळी आरोग्य मदतनीस निशिगंधा नामदेव देवळेकर यांचेही अंगणवाडीच्या वतीने प्रेमादरपूर्वक स्वागत करण्यात आले.
कार्यक्रमाचे मुख्य आकर्षण ठरले ते म्हणजे अंगणवाडीतील चिमुकल्यांनी पाहुण्यांसाठी सादर केलेली स्वागतगीते. आपल्या बोबड्या बोलात आणि सुरात मुलांनी पाहुण्यांचे स्वागत करून उपस्थितांची मने जिंकली. यानंतर मान्यवर प्रदीप बिर्जे यांच्या हस्ते बालकांना पौष्टिक फळे आणि खाऊचे वाटप करण्यात आले. हा खाऊ मिळताच बालकांच्या चेहऱ्यावर विलक्षण आनंद ओसंडून वाहत होता. याप्रसंगी बोलताना दिनेश अंब्रे यांनी अंगणवाडीच्या कामकाजाचे तोंडभरून कौतुक केले.
अंगणवाडीची करण्यात आलेली आकर्षक रंगरंगोटी, परिसरातील कमालीची स्वच्छता आणि टापटिपाणा पाहून त्यांनी सेविका सुजाता शिंदे व मदतनीस सुनिता शिंदे यांच्या मेहनतीची प्रशंसा केली. “शासकीय जबाबदारी पलीकडे जाऊन मुलांच्या सर्वांगीण विकासासाठी आणि अंगणवाडीच्या सुशोभीकरणासाठी या दोघी करत असलेले काम आदर्शवत आहे,” असे गौरवद्गार त्यांनी काढले.
सामाजिक बांधिलकी जपणाऱ्या ‘गणेश फरसाण मार्ट’ आणि ‘रहाटे बंधू’ यांच्या या मदतीबद्दल स्थानिक ग्रामस्थांनीही समाधान व्यक्त केले आहे. कार्यक्रमाच्या शेवटी अंगणवाडी सेविका सुजाता शिंदे यांनी उपस्थित सर्व मान्यवरांचे आणि दात्यांचे आभार मानले. या उपक्रमामुळे मुलांमध्ये उत्साहाचे वातावरण पाहायला मिळाले.
अंगणवाडीच्या परिसरामध्ये परिस बागेमध्ये भाजीची लागवड करण्यात आलेली आहे. अनेक प्रकारच्या भाज्या सदर जागेमध्ये लावण्यात आलेल्या आहेत. मुलांना निसर्गाप्रती एकरूप करण्यासाठी सदरचा उपक्रम राबवण्यात आलेला आहे. अनेकांकडून सदर उपक्रमाचे कौतुक करण्यात आलेले आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
