संगमेश्वर दिनेश अंब्रे- संगमेश्वर येथील संगमेश्वर ची शान असलेली व्यापारी पैसा फंड संस्था सध्या शतक पूर्तीकडे आपली वाटचाल करीत असताना 97 व्या वर्षी या संस्थेला मानाचा विश्व समता प्रज्ञा गौरव राज्यस्तरीय पुरस्कार 2026 नुकताच मान्यवरांच्या हस्ते प्रदान करण्यात आला.
या संस्थेची स्थापना सन 1929 साली झाली आहे. स्थापनेपासूनची 97 वर्ष यशस्वी पणे पूर्ण करीत आत्तापर्यंतची गौरवशाली वाटचाल आहे. पारतंत्र्याच्या काळात शिक्षणाची कोणतीही सोय नसताना केवळ सामाजिक बांधिलकीतून सुरू झालेला हा प्रवास आज अवघ्या जिल्ह्यासाठी प्रेरणादायी आहे. सन 1929 मद्ये व्यापारी वर्गाने एकत्रित एक क्रांतिकारी पाऊल उचलले होते.आपल्या व्यवसायातील नफ्याचा वाटा व त्यातील काही हिस्सा बाजूला काढून शिक्षणाचे मंदिर सन १९२९ साली उभारले.
यातूनच व्यापारी पैसा फंड संस्था व पैसा फंड इंग्लिश स्कूल ची स्थापना झाली होती. यामुळे चौथी पाचवी नंतर शिक्षण सोडणाऱ्या ग्रामीण भागातील असंख्य विद्यार्थ्यांना शिक्षणाच्या मुख्य प्रवाहात येण्याची संधी मिळाली.
शैक्षणिक क्षेत्रात महत्त्वाचे टप्पे म्हणून पहिले विज्ञान कनिष्ठ महाविद्यालय. तालुक्यातील विद्यार्थ्यांची गरज ओळखून संस्थेने 1975 मध्ये संगमेश्वर तालुक्यातील पहिले विज्ञान कनिष्ठ महाविद्यालय सुरू करण्याचे धाडस दाखवले.
जिल्ह्यात पहिली डिजिटल आर्ट गॅलरी प्रशालेत चालू केली. काळानुसार बदलत संस्थेने 2008 – 2009 साली स्वतंत्र कला वर्ग सुरू केला व आधुनिक शिक्षणात ठसा उमटवला. गेल्या 97 वर्षात अनेक संकटांवर मात करत संस्थेने आपला चढता आलेख ठेवला .विश्व समता राज्यस्तरीय प्रज्ञा गौरव पुरस्कार 2026 हा व्यापारी पैसा फंड संस्थेचे चेअरमन श्री अनिल गजानन शेट्ये व कमिटी पदाधिकारी सचिव श्री धनंजय शेट्ये सर, सदस्य संदीप शेठ सुर्वे, सदस्य रमेश शेठ झगडे, मुख्याध्यापक सचिन देवखामकर यांच्याकडे मान्यवरांच्या हस्ते सन्मानचिन्ह व सन्मानपत्र देऊन वितरित करण्यात आला.
व्यासपीठावर यावेळी मान्यवर विश्व समता कला मंच संस्थेचे संस्थापक अध्यक्ष मनोज जाधव, माजी सभापती दिलीप पेंढारी, विश्वसमता संस्था पदाधिकारी, मार्गदर्शक व संघटक, पत्रकार एजाज पटेल, पत्रकार वहाब दळवी, पत्रकार धनंजय भांगे व ज्येष्ठ कार्यकर्ते उपस्थित होते.
पैसा फंड प्रशालेचे शिक्षक वृंद यावेळी उपस्थित होते. शिक्षिका सौ. अर्चिता राहुल कोकाटे यांनी आपले मनोगत व्यक्त करताना विश्व समता संस्थेचा गेला वीस वर्षातील कार्याचा गौरव केला व संस्थेच्या वतीने आभार मानले.
पैसा फंडसाठी मिळालेला हा सन्मान प्रशालेमध्ये विद्यार्थ्यांनी ढोल पथकाच्या वादनावर, लेझीमच्या नृत्य वर शाळेमध्ये सन्मानपूर्वक नेण्यात आला.यावेळी संस्थेचे सचिव माननीय श्री धनंजय शेट्ये सर व मुख्याध्यापक खामकर सर, सर्व शिक्षक वृंद तसेच सर्व शाळेची मुलं उपस्थित होती.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
🎤 जनशक्तीचा दबाव न्यूज..
➤ (RNI NO. MAHMAR/2014/59698)
➤ भारत सरकारमान्य रजिस्टर न्यूजपेपर
