*मंडणगड(प्रतिनिधी) :* येथील सावित्रीबाई फुले शिक्षण प्रसारक मंडळाच्या लोकनेते गोपीनाथजी मुंडे कला, वाणिज्य व विज्ञान महाविहद्यालयात महाविद्यालयाचे प्राचार्य डॉ. वाल्मिक परहर यांचे शुभ हस्ते ध्वजारोहण करुन ‘77वा भारतीय प्रजासत्ताक दिन’ मोठया उत्साहात साजरा करण्यात आला. यावेळी उपप्राचार्य डॉ. विष्णु जायभाये, माजी विद्यार्थी श्री. राजेश पारेख, पंदेरी प्राथमिक आरोग्य केंद्राचे समुदाय आरोग्य अधिकारी डॉ.तौफिक शेख, आरोग्यसेविका सौ.संगीता मेंढे आदी मान्यवर उपस्थित
होते.
ध्वजारोहणानंतर पंदेरी प्राथमिक आरोग्य केंद्राचे समुदाय आरोग्य अधिकारी डॉ.तौफिक शेख यांनी उपस्थित सर्वांना कुष्ठरोगाबद्दल समाजामध्ये जागरुकता निर्माण होण्याच्या दृष्टीने व ‘स्पर्श कुष्ठरोग जागरुकता’ अभियानातंर्गत ‘कुष्ठरोग मुक्ती’ प्रतिज्ञा दिली तर कु. आर्या कदम हिने 100 टक्के साक्षरतेचे ध्येय साध्य करण्यासाठी ‘मी निरक्षरता दूर करेन आणि माझ्या आसपासच्या प्रत्येक व्यक्तीला साक्षर करेन’ असी ‘साक्षरता शपथ’ दिली.
कार्यक्रमास संस्थेचे पदाधिकारी, एन.एस.एस. कार्यक्रमाधिकारी डॉ. महेश कुलकर्णी, प्रा. अशोक कंठाळे, डॉ. दगडू जगताप तसेच शिक्षक- शिक्षकेतर कर्मचारी, विद्यार्थी वर्ग उपस्थित होता.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
